無工人嘅一周, May 6-11

5月1日, 同屋企人去去下濕地公園, 收到CoCo係屋企打黎, 喊住話佢老公死咗, 我都唔知點反應好, 只好問佢要唔要返去? 攪到果日無晒心情

返黎問佢老公咩病死, 佢只識指住背脊, 佢之前有講過佢老公背脊, 已經用咗好多錢去醫, 但我諗果度有事都唔會死掛??有d 驚佢講大話, 加上其他friend都話宜家d 工人, 想搵藉口返鄉下, 唔係話亞爸就亞媽死, 之後就唔返黎, 我越聽越驚

但見佢真係好sad, 就算我唔俾去返去, 佢無心機做野都無用啦, 所以都係俾佢返去, 佢想去兩個星期, 我只allow佢一個星期, 加上又真係無機位, 所以5月4日走, 5月11日返黎

機票我代支, 但就hold住份糧, 仲去埋agent度, 要去寫低"借據", 仲要去返黎果日先去body check 先返屋企

整件事都係我去攪, 老公無幫手唔緊要, 最慘係佢太有同情心, CoCo話想返去兩個星期, 佢仲要堅持ok, 俾佢激死, 到宜家我都無問佢, 有無"醒"幾百俾CoCo, 我費事知道咗仲激氣!

好彩有亞媽幫手, 佢留宿一個星期, 做晒CoCo平日做嘅野 (除咗ironing), 但已經好好, 我返去同以前一樣, 食完飯仲可以同兩個仔玩, 但就好囉唆, 又日日同我投訴CoCo清潔得唔好, 偷懶, 仲話佢偷洗潔精攞去下面印尼店賣, 無計, 只好聽

今個星期一,  CoCo真係如期返咗黎, 奶奶亞媽仲要去過火盆先入屋, then, everything back to normal!