我善良..但係我唔係好蝦架!!!

樓下個業主 , 投訴我滲水...

其實唔係第一次

之前佢個天花甩左d灰就話我溜水

佢自己間晒套房租比人

間房咁細有open浴室咁潮濕

都未必關我事啦

我好大方咁比佢上o黎我度睇

佢甩灰個位係我琴房o黎架

一滴水都無呀..乾過我荷包呀!

咁就不了了之啦..

點知今次又o黎...我去睇下啦..

o向我個浴室位, 佢個天花板又真係發晒霉喎...

咁我都唔排除係我單位滲水o既可能

但係..我無理由因為你天花發霉

就即刻起晒d喉呀..渠呀..大搞一番呀~~

我梗係做下檢查

睇下係咪真係關我事..同埋係邊個位先啦

我已經叫左裝修師傅睇

佢話睇唔見我個單位有咩問題

同埋睇左樓下..話佢係套房..自己焗到咁都唔奇

咁我咪跟住屋宇署個指示

倒d顏色水試下邊度有問題滲水囉..

又試唔出喎..

打去屋宇署, 佢又話要受害單位打去先處理喎..

頂丫..樓下個阿太又狂追

我咪唯有叫佢打去屋宇署

等人地派專人o黎 check 囉~

我一直都好好聲氣

點知..佢係都一口咬定係我滲水

大佬呀, 就算真係...都要比我知邊度, 先有得整架..

你話你趕住租比人, 叫我搵師傅同你油返個天花先..

咁我同你油完..再check到唔關我事..咁點呀??!!

都痴線架!!! 連d裝修師傅都唔可以肯定邊度出事

都話要叫專人check

你係咩新撕蘿蔔皮可以一口咬定先..

雖然我叫師傅油唔洗錢..但係我唔想咁委屈囉 ~

仲要話等一個星期屋宇署派人o黎睇..

都話等唔切, 叫我搵人油左先..

我彩你都傻呀!!

我份人好講道理o既 , 人地檢查完証明係我有問題

我第一時間就搵人幫你油番掂

之後先再修理自己間屋..

但係你而家無啦啦...叫我搵人幫你油..

我覺得唔合理囉....我都要保障我自己丫...

你再嘈我都無用架啦 ~ 我企硬架!

屋宇署檢查完, 無白紙黑字落案發信

我都唔會叫人油架喇!!

仲有呀..就算你去搵你o既師傅o黎話係我有問題

我都唔信架...一定要係政府派人o黎我先覺得公平囉~

我都明白如果樓上滲水真係好麻煩

但係而家唔係我唔肯認, 唔肯做o野

而係我已經做左我可以做o既o野

都確定唔到原因

我認為搵專人檢查好合情理lor

我為住我係基督徒o既身份而沉住氣...

同你講道理....但係我都有底線架!!

如果樓下阿師奶d態度再差d

就算發現真係我有問題呀

我都慢慢先搞呀!!! 我知道有90日限期架..

我就第88先搞....合乎法律架!!

你要急住租出去咪自己油囉!!

等你以為我一個後生女好蝦...

以為打多幾次電話o黎煩我我就怕左你..

我唔會架!!!

你帶一村人o黎同我對質我都未驚你呀!!