珍惜

生活之中無深切o既體會

平平淡淡o既時候

真係唔知寫咩好 ~

太耐唔update個blog

又怕自己會giveup

所以無無聊都寫少少吧~

近日o向facebook

不斷咁遇到自己o既中學同學...

感覺好開心, 好懷念...

我估人大左就真係會鍾意想當年吧!

講真, 我地呢班中學同學真係無乜連繫

話畢業就畢業, 隨即好瀟洒咁各散東西

無gathering...乜都無!

連以前日日結伴返學食飯的好朋友

都真係話唔搵就唔搵...

4個女仔之中...有2個而家想搵都搵唔到lu...

點解會咁呢?

我覺得..可能大家都有自己o既教會...

係真的! 最close最好的朋友就o向教會

於是...同學無左..依然有另一個更重要o既圈子

我相信呢個係我地無keep 關係o既原因~

可惜嗎? 講老實話...我覺得有少少的

不過而家咁樣撞返d同學..一個接一個慢慢連繫上..

又覺得好驚喜喎!

估佢唔到會變成咁...又或者估佢唔到仲係咁...

其實我一向都係懶keep關係o既人

我知有d人係好怕脫節的

一聽唔到人地講咩..或者..

答唔到咀就會好緊張, 好唔安樂

有咩gathering都會想出席..

但係我就係衰在有少少自我...

聽唔到咪就唔好理囉, 又唔會問 "咩呀,咩呀, 講咩呀.."咁...

(是非八卦o野就會追問喇...哈哈....)

答唔到咀咪自己做自己o野, 講自己o既話題囉

所以人唔搵我, 我咪又唔搵人囉...

d舊同事呀..都無keep架!

係 IIM 班同學好熱心咁定期搞function先keep到咁耐咋!

而家有機會遇返d同學..都真係要試試keep先

唔見面都可以溝通丫..科技先進嘛..

人大左..好多o野都要珍惜一下了!