樂理成績

五級樂理暑期速成班十個考生，四個優，五個良，一個肥佬。

即係代表今次五級樂理試卷超易，肥佬嗰個真係好去跳摟．．．．腰舞！

最攪笑係四個優裡面，三個係小學生，現分別讀小四及小五，最低分嗰兩個係中三學生，又一證明而家ｄ中學生，不合格嗰個已經有五級優等小提琴及就讀英中，真係越大越智商倒退。

好怕教而家ｄ中學生，中二已經開始好難教，早熟且精神集中有問題（因活動恐怖地多！）

八級樂理暑期速成班五個考生，只有兩個合格，最高分仲要又係只有十二歲的叮叮，最低分嗰兩個女仔（一個只有廿六分，一個只有四十四分），佢兩個仲要係從來都未正正經經做好一份功課俾我，四十四分嗰個仲要班際都中間缺席兩堂，會考音樂又攞U。今次真係女王要去跳摟．．．．腰舞！

其實近月女王係對所有懶學生取放棄態度，真係唔想你資質材料未夠，要我陪讀陪溫習，勉強合格都是不上心，懶學生會多謝您麼？妄想！以前我真係試過陪學生做樂理至零晨，又如何？唔通這樣才叫盡責老師？

都係嗰句，學什麼都要努力要負責，唔得唔可以勉強，更不可以藉口多多！