聖三一演奏級

聖三一演奏級有三種：

(1) ATCL 程度等同於  音樂大學學位一年級（有關演奏學科程度）

(2) LTCL 程度等同於  音樂大學學士（有關演奏學科程度）

(3) FTCL 程度等同於  音樂大學院士（演奏家程度）

即係雖然你合格有關文憑，且著曬畢業袍行禮，但不等於您有大學音樂學位程度，有時我見我小部份 ATCL 及 LTCL 學生都可以好符符轆轆合格；所以 在女王個人觀點，FT 演奏技巧上見真功夫及其演奏天份，起碼樂曲細緻及長度，不是一下子幾個月預備便可去考試。

其實女王認為，而家ｄTrinity 考試設計太流於商業，只需樂曲演奏，但卻取消所有口試、音階、聆聽附助及視奏考等試部份，ｄ考試曲目又可以選取一個幾首若有八級程度的曲目，唉．．．．在教學上，嘢好似係做少咗，但點解我都一肚血想嘔？！

所以現在女王都俾以前，更著樂曲背景、結構及作曲家意圖，部份學生我都主動提出要求他們學習八級樂理，雖然女王ｄ聰明學生，出名左耳入右耳出。

女王唔係全部學生都衰，不過都有八有九成，係我八九成衰，先有ｄ咁質數學生唶，佢哋雖然間歇有獲獎，但真係海軍水兵，唔係佢哋醒唶，係人哋差，但唔明ｄ學生家長獲獎便沾沾自喜，自以為每星期練一兩小時便可獲獎，當正自己仔女係神童，真係往後日子教死人。

至於高級程度，真係要思考要用腦要用耳仔，更要用心投入，不是呆坐兩三個鐘，不停重複練習錯處成年，到臨考試才要加堂或認真，老師的血是不可白流及白嘔的！