最討厭的十大惡行之六

（一）唔交學費，無交仲要話交咗。（其實女王已經實行互相登記制，大家都要互相簽收記錄，但久不久都有咋咋帝學生家長說交了，只不過我不記得互簽，吓！咁都得？不過，過這一招通常他們都只能用一次，往後女王會更加更加小心！）

（二）成日調你時間，仲要係上堂當日才通知，次次都話唔記得通知。

（三）成日在你面前話學費貴！（無人叫你跟我喎？去社區中心囉！）

（四）家長在你面前鬧仔女說：冇心機學唔好學（或無天份唔好學），學費好貴呀！

（五）「幾時可以考試？點解呀隔離親戚個仔兩年考三級，我個仔女都未考得？」

（六）「呀隔離親戚個仔個老師咁教喎？」（帶你個仔跟隔離親戚個仔個老師囉！）

不過，其實以上情形已經好少，因女王已經屬於半退休，跟本不教小朋友好耐好耐，只教小朋友暑期音樂班，小朋友對一陣就好好玩，半年後一定現型，係對多陣都死嗰隻，而家小朋友彈得好，你獎貼紙佢？用於一兩歲便可，三歲都開始唔想要，佢屋企玩具物資太好啦！唔夠家長出手，佢哋送俾小朋友的禮物係NDS、貴價手機、經常出外旅行、電腦等昂貴，女王區區一張貼紙或小公仔，對於鼓勵小朋友勤奮練習，作用不大

其實最受歡迎提問：

（一）老師！合格後，應該係時候加學費！（但三十個都沒有一個自動自覺提問）

還記得自己學琴時候，每年頭老師都會調節學費，我們都只有順從不會面露不悅或當面嘩嘩聲！老細！吓吓你著數曬咩！？我加時加堂好多時都沒有再額外收取學費啦．．．