紫菜眉

合唱團國慶表演，近來多了四位新團員，有一個是移民，她面部表情十足，樣子可愛，惜音準仍需磨鍊，每次練習，佢都會有兩至三個家庭成員（父母加祖母）保鑣護送，成日在課室門外把守，裝吓裝吓，有時女王刻意把門突然打開，作狀看他們有什麼事，他們不好意思地行開，隔一陣再裝過，其實真係有ｄ煩，令團員不集中，都好難明而家ｄ家長什麼都要知要八，什麼都要錄要拍，只求表演認叻，只聽美言，不聽缺點，不求改善。

什麼鼓勵學習？我們做教育者，根本已經做到爛，沒有鼓勵麼？沒有跟進麼？主要問題係家長學生合作麼？

言歸正傳，個移民祖母好煩，每堂都有嘢問，問ｄ都係好鎖碎到冇人有．．．

表演當日，移民小朋友本身係小肥妹一名，祖母又要細碼團服俾佢個孫，又問有冇化妝，我話冇，佢立即不悅，自己同個孫女化，一個七歲小朋友，同佢畫了一條出界紫菜眉，仲有眼影，真係好有國慶色彩，我還以為自己已經回歸祖國教學而光榮，可惜我的合唱團團員沒有祖國的小朋友乖巧紀律．．．