沒你不行

今日在公司整日都沒什麼事做，很閒。

準時地六點多少少便放工了，因為今晚有比賽，
所以放工坐左響BURGER KING食左個餐便出發去長沙灣。

去到時候尚早，坐左响觀眾席上睇人踢波，
玩了一陣PSP，小睡了一會。

心裡有點不自在。

到我隊開波了～
新的球隊沒有翠騰那般高水準，但變相有幾球表演了～
二比零完場。

換返件衫，還是覺得有點不自在。

什麼事呢？

..................................點解YEN YEN沒有打電話俾我既？

佢平時的話一般早、午都會有一個電話，夜晚一個至幾個都會有，
每次打俾我，梗會講一句「我愛你」，有時在第一句，有時臨收線個句。
有時我會回佢「我都係」，一時係「知喇知喇～」咁。

望一望手機個時間，晚上十點，仲未有未接來電。

緊張了。

立即坐地鐵轉巴士返屋企，途中打左三次俾你，留左一個留言。
但到屋企沖埋涼，都仲未有你來電。

回想返你同我講過今日會去邊，你今日會請假，請假做乜野呢？

...................去覆診！！

最後接你電話時是早上，之後你便去了醫院覆診了。

發生什麼事？有事嗎？點解仲唔打俾我既？

試下打去你屋企，響左幾下，你阿媽接聽。

我：「呀.....ANTIE啊，我係阿WING呀....」
媽：「啊～什麼事呀？」
我：「我想問問阿YEN今日係咪去左覆診呀？」
媽：「係.....去左覆診.............」

ANTIE你唔好嚇我。

媽：「佢覆診完左，唔記得左帶電話出街呀～」

電話講完後，鬆了一口氣。

YEN YEN你知道嗎？你的說話對於我來說係好神奇。
差不多已經變成不能一日不聽你的說話了。
已經變成聽不到你講【我愛你】，我會變得如此擔心。

下次問朋友借電話打俾我吧。等你電話，我愛你。