一封信

其實開心真係可以好簡單,退一步真係可以海闊天空囉...

你近黎咁唔開心, 又去睇埋醫生要食藥

咁大壓力, 其實都係你自己俾你自己囉

由細到大, 我知你要求高. 100分滿分, 你次次都好想拎101分囉,

讀書時依d當然係正比啦.. 100分努力就可拎到100分囉.

但人大左, 出左社會做野, 有好多因素要加埋在內, 運氣當然

係其中一樣重要既因素啦, 唔如意時, 係人都會問點解, 但唔係樣樣

野都有得解囉. 有時要去接受囉. 何必下下迫自己去死角呢

條條路都行得通架.. 點解係都要行一條咁難行既路呢..

做人最緊要開心同健康,唔開心搵幾多錢都係假啦..係咪先..

唔好唸咁多啦, 解決左一個問題先再去唸啦.. 咪只會一個問題變

左成100個問題出黎, 最後就一個問題都解決唔到囉

你知你身邊既人幾咁關心同擔心你, 你唔好再係咁啦, 努力d

去行一條行得通既路啦.  生活質數人人要求都唔同, 有d人一家4口

一齊住一間2百幾呎既屋都一樣好開心, 搵1萬蚊個月都可以儲到錢

d 仔女都可以好努力讀到大學出人頭地.. so 點樣先係岩你既生活

你自己應最清楚,你依家想點, 都係你自己最清楚囉,唔好再問人地

點好啦, 你自己要作出一個決定囉, 當然你既決定係點, 錫你既人

一定全力支持你囉...