Sony Festival

近排無論公事或者係私事都好忙，自從踏入九月中，一直都未停過。
真係一事未忙完，一事又起，絶對係無停過。
Blog又無乜時間去寫，連Blog都睇少咗>0<。

直到今個星期先叫做得閒少少，就去咗Sony Festival。
主要去睇吓有啲乜野新產品，與及去睇吓有無平野買。

個日去到都唔係想像中咁多人，都好既，咁先可以試下好唔好用。
今次啲佈置有啲似去咗非洲大草原，一個個茅屋都好靚同都幾似。
每間茅屋都展出不同的展品，喇叭、高清電視、攝錄機樣樣都有。
當然唔少得PS3同PSP喇！仲有得係現場玩番兩手添。

現場重頭戲之一，陳列品拍賣。
場面都極為熱鬧，個個都展開激烈競投。
我遇到啱心水的產品，我都投埋一份，結果我都投到一件啱價啱心水。
估唔到用咁平的價錢就買到，真係好開心。^0^