公司聚餐

前幾日係公司聚餐，今次就去咗怡東酒店食自助餐。
幾年前都係係喱間酒店食，個時都已經喱度啲野好好食，所以今次再去真係覺得好開心同好期待。

係食之前影番張日落照片！

好整齊的餐具。

第一樣吸引到我的係螺，真係第一次見過咁大隻，食落味道重好好添，好鮮好清甜，今次至愛，食咗唔少落肚。

跟住食咗個炒班塊，喱個都係個好好食，炒得好香，又夠爽口，個汁都好好味。

再黎個刺身，三文魚，立魚，同醋鯖魚。三文魚同立魚都好新鮮，好好食。個醋鯖魚就有啲酸酸地，不過就好醒胃。

喱兩度係即叫即整，一個係忌廉班戟，另一個係炒意粉。

不過喱兩個普通咗啲，忌廉班戟就唔係好夠忌廉，感覺食來食去都好似食戟皮咁。

個炒意粉就差咗啲，佢炒個時都覺得啲意粉好硬，食落都係好硬，個汁都比較酸咗啲，唔係咁好食。

最後就輪到食甜品，先整個綿花糖，啲朱古力就係個噴泉度點，仲有白朱古力添。

跟住食咗個焦糖燉蛋。

估吓喱個係乜野黎？
初初都覺得幾特別，不過食落就唔多好食。

最後就食咗兩杯Haagen Dazs雪糕添。

今次真係食得好開心，有機會一定會再黎食餐飽。