Sogo士多啤梨

星期六個日就去咗銅鑼灣Sogo個感謝日，主力係入去睇下有無啲正生果。
因為個度啲生果有啲出面係無得賣，所以咪襯佢大減價，睇下有乜特別啲而又覺得抵就去買黎食。

入去個時都要排咗一陣先入到去，跟住就即刻去咗地庫喇！(因為啲生果係放係地庫。)

去到就見到好多啱啱開箱的生果擺出黎，我去個時做緊推介的係日本蜜瓜同美國士多啤梨。
個日本蜜瓜就由二佰幾蚊個減到百蚊幾一個再九折，而士多啤梨就由百蚊幾一個減到五拾幾蚊再九折。

不過我覺得個日本蜜瓜減完都仲係好貴，加上又唔係太大個，攞返屋企每人分得個少少。
所以就買士多啤梨啦，平一半又夠分俾屋企人食。

可能係夠新鮮掛，食落口啲士多啤梨好清甜，又夠大粒。

唔似細粒個啲有時會酸0既，唔夠好食。
下次有機會會去再買過，因為真係好好食啊！