最後一天假期的感覺

一連四日的假期又過去了，雖然無做過啲乜野，只係留係屋企休息。
但係都過得好開心，因為可以陪住Daddy同Mammy。
加上又可以有時間去睇電視，睇番啲未睇的劇集，寫吓Blog咁。
有個真正令到自己可以休息、放鬆同思考的機會。
平時放工都已經好夜，食飯沖涼都所剩無幾，就連做其他野的時間都未必有。
有時真係好想經常Update個Blog，但係真係好難做得到，因為真係做到好夜。

明日又要返工喇，真係覺得好苦啊！
雖然有啲人會認為依家有份工做已經好好，但係真係時間好長，無充足的時間去休息，無曬私人時間。
公司名義上就係六時收工係可以放工，無人會阻你。
但係一大堆未完成的工作，又點可以走咗去，加上明天又有一大堆，攪唔掂咪輪到明天開OT。>-<
有時都覺得有啲同事都幾無良，正常工作時間唔俾野我做，跟住就話我齋坐唔做野。
好喇，到差唔多收工時，就整份極多工序的工作要做，話要明天要。
跟住佢自己就走咗去放工，佢話做完自己個Part喎，咁我咪要做開OT。
明天唔做好，跟住又話俾我，明明琴日俾咗你都唔做好。*-*

總言之我都好高興放假喱幾日，可以自由地做自己想做的事，不過最快都要等到五月囉！
不過我都會繼續努力做，做好自己本份，但求問心無愧。