肥Dee 住豪宅

肥Dee 已經8個多月大, 兔如其名真係肥, 但佢明明唔係食好多糧, 主要食草, 但都可以肥到一個波咁....眼見屋企冇咩地方比佢走動, 成日半夜係個籠度狂跑, 又整到d廁所反轉晒之餘, 仲尿尿到走圍都係...經醫生建議後, 就決定帶肥Dee返診所長住啦!

最開心的相信係肥Dee!!! 醫生都好開心~ 因為可以更了解多一種小動物的習性! 我又可以多點時間對住肥Dee, 而醫生仲比左間大房佢住, 活動地方係成間診所兩層任跑~ (幸好佢唔識上樓梯, 唔係都唔知點搵返佢)

肥dee 依家日日可以出去晒下太陽 (隔住玻璃)...

搬左黎診所之後, 先發現肥Dee 原來好喜歡望街的!!

有時仲會訓係門口......當然我都會一路望住佢啦~ 怕有人開門整到佢, 或者有狗整親佢, 不過肥Dee真係完全唔怕狗, 反而最怕人..........因為佢返屋企半年, 日日夜夜都係對住蘆蘆多過對我. 依家已經叫好d. 有時都比我摸下. 希望依家我日對夜對住佢, 佢會跟我多d啦!!

肥Dee的豪宅, 真係好鬼大地方啦! 平日狗狗住係度都要幾百蚊一日, 依家唔洗$$, 仲要比間全新冇狗用過的房你, 你真係幸福啦!

依家肥Dee的情緒問題真係改善左好多, 有地方比佢走動, 佢再冇亂咁反轉東西, 又唔會周圍尿尿, 放佢出去玩的時候, 仲會忍尿忍便到返去佢的廁所先去! 好叻仔啦!