NBB生日會

新年前帶佢地兩隻去好朋友yan yan的貓狗生日會. 依家先放上黎, 見到好多朋友都放晒上blog, 我都仲未放....真失敗! 不過最失敗應該係我冇咩點影相. 鬼咩~ 蘆蘆都係同之前一樣, 成日搵交打....嘉嘉就crazy地狂跑, 偷食同坐人地大脾, 真係睇小一陣都唔得呀......果日大大話話都應該有成30隻貓狗.....

阿YAN 搞生日會真係好勁, 準備得好好啦! 你睇下個生日蛋糕~ 我想問下可以係邊度整ka? 好似呀!!

送比我地的禮物都好有心思, 個個都有一個氣球, 一邊有佢地主角的樣子. 一邊有我地寶貝的樣子!

狗狗的食物都好正呀!!! 人同狗的野食, 真係要手快呀! 因為我照顧完佢地之後, 我已經冇咩野可以食啦.......>.<

你地睇佢地等食個樣, 係啦...今日狗狗大晒! 你地食先啦~

lee夠大骨, 蘆蘆食唔到, 最後比嘉嘉食埋,.....

仲有乳酪, 嘉嘉蘆蘆食到同佢一樣!! 一咀都係~^^

最後當然要睇下收到d咩小禮物啦!

有嘉嘉蘆蘆的氣球!! (yan...你收埋佢地咁多相, 你幾時先肯賣返比我......)

仲有三位主角樣子的紙...wah...點捨得用呀....要我整花佢呀?!

仲有仲有, 當然係私人送比嘉嘉的新鞋仔!! wah~ 好靚呀! 仲要好著過之前果對呀! 真係多謝晒呀!!!

p.s. 嘉嘉都就快8歲生日啦! 仲有唔夠2個星期, 可惜因為唔可以放太多星期六日, 今年都搞唔到生日會啦.....唯有再等下一年啦.....