你..令我討厭!

由17歲開始工作, 一路上都跟別人合作得很好, 就算唔夾, 我都會盡量配合. 只係希望...我可以工作順利就好!

直至遇上你.....

要一個年齡比我大, 但係lee行經驗比我小的人. 聽我的話, 我都知道好難. 但估唔到, 係可以令我氣上心頭(雖然外表睇唔出, 但我會係blog度寫出黎, 証明你....真係好重要呀!)

合作2個多月, 你一直都有你自己的意見, 覺得自己的方法比較可行, 覺得我的建議可有可冇. 雖然你活得比我久, 自己又做過boss, 但係....lee行的經驗, 我的確比你多哦~ 點解你係都唔聽我講呢?!

本來因為你唔做, 我因為你的突然離開而獨自工作好一段日子. 正覺得事件終於完結之時, 你又因為''出糧''事件令我難做, 公司遲遲唔出糧比你, 係關我事嗎?! 公司係我有份的嗎?! 一日打3次黎追問, 又話可以告我又話我推你咁耐...關我咩事?! 咁喜歡告就直接去搵醫生. 唔好次次打比我!

當初話好想入黎學野的你....話當醫生係朋友的你....因為咁...態度可以咁ge?! 仲可以孩子氣到, 私底下偷走自己係公司的病歷表. 我都可以話你偷野呀.....

好啦~ 出左票比你, 幾日都唔黎law....明明屋企有個$$, 應該都唔會在意果幾千蚊, 醫生交帶我的事, 要我跟你影印身份証, 你就再三推搪. 叫我唔好為難你, 難度你依家唔係為難緊我嗎?!

唉......從來未試過跟一個人, 如此難相處, 最難的是, 每次見到你仲要當你係客, 笑住咁同你傾計, 我覺得....自己好嘔心!!!

曾經講過, Maggie是我的恩師, 沒有Maggie的指點, 沒有今日的Elaine, 但上天都愛玩弄....令我討厭的人, 竟然係同名, 同年齡的人!! 真係可笑!!!!

p.s. 我唔識法律, 我真係好想問問, 一個人入職or離職, 要影印i.d. card, 係犯法的嗎?!