踏單車

(Wed) 天氣焗熱

諾諾踩開既單車都用了2年多, 膠轆上的坑紋都差不多給他磨光了, 加上前面的籃子甩了, 所以諾諾已沒有踏單車個多2個月了.  早幾天終於和他一起去揀選了新的單車, 隨即隱藏在他身上的單車蟲發作.  今天爸爸返夜, 不過早上要開會, 近中午時收到諾諾的電話.

諾: 媽媽, 我頭先打左2次比爸爸, 爸爸唔聽我電話呀, 一係又唔開電話呀, 我好想爸爸同我去踩單車呀

媽: 咁你有無打錯呀

諾: 無呀

媽: 咁你打幾多號

諾: 94xx xxxx

媽: 你打錯左啦, 應該係94xx xxxx

諾: 唔好講咁快

媽: 你拎張紙寫底啦

諾: 等等先........... 得啦, 你講啦

媽: 94xx xxxx.  得未呀, 你講一次我聽

諾: 94xx xxxx 係咪呀

媽: o岩啦.  不過呢, 爸爸家下開緊會, 如果爸爸話唔得閒, 你就要乖乖收線架啦.

諾: 知啦.

***********************************************************************

傍晚, 爸爸告知今天所發生的事.

中午12時多:-

諾: 爸爸, 你係咪開緊會呀

爸: 係呀, 一陣先打比你啦

諾: 好啦, 拜拜

20多分鐘後

諾: 爸爸, 開完會未呀

爸: 未呀

諾: 乜咁慢架, 慢吞吞食雲吞, wakakakakaka

爸: 咁我開完會先打比你啦

到1點多時

諾: 爸爸你開完會啦

爸: 係呀

諾:又話開完打比我既

爸：剛開完咋，而家食緊飯呀，你呢，食飽未呀．

諾：食緊呀，你幾時同我去踩單車呀，我就要出門口啦

爸：我未返黎呀，你去左駱老師樹先，返黎先同你踩啦，好無

諾：咁好啦

下晝４點幾

爸爸好夢正濃

諾：爸爸，你又話同我踩單車既？？　我返左黎啦，你幾時先黎呀

爸：呀，好啦好啦，我而家過黎啦

就係咁，爸爸就同諾諾去左平台踩單車啦，如果再唔落去，唔知諾諾仲會打幾多次電話比爸爸呢．　爸爸話諾諾都夠膽踩，不過夠鐘接為為，所以同佢踩左大半個鐘就走，買枝水同佢去番ｅｅ樹，不過諾諾都扭左好耐，因為佢好想跟住爸爸接為為呢，咁爸爸ｔｕｍ左佢一陣，應承今晚接佢時買雪糕食，諾諾先好唔願意比爸爸走．

夜晚諾諾拎住甜筒返黎，一入門口就比媽媽食，為為見到就即刻上前，比左ｄ脆皮佢食，食過番尋味就係咁要食呢．　諾諾食飽後，　媽媽同佢講，聽日可能打風，唔知游唔游到水，諾諾居然答話，唔得呀，我好想游水呀．　即時聽到媽媽Ｏ哂咀，之前又話唔游，家下又話好想游．　佢又話游水有乜好驚呢，好好玩呢．　小孩子既心理，　都好難捉摸呢．