長洲 - 宿營

(sat) 天陰

早幾個月, 爸爸抽到公司的渡假屋, 相約了anson 和姵姵2家人去玩玩.  不過今日會係爸爸先同姵一家先入去, 媽媽會同諾諾上完堂先入.  一早同諾諾上堂, 又約左姵一家飲茶, 食飽佢地就坐車起程; 媽媽同諾諾返去休息一陣都出發;  落堂就搭車去碼頭, 見仲有3分鐘就有班船, 便同諾諾走呀走呀, 試下上唔上到船, 因為miss左呢架就要等半個鐘, 而諾諾好想快d入去, 好彩上到船, 不過媽媽差d無氣啦, 抖左好耐先ok. 跟住諗諗下, 我地有無坐錯船呢, 落車時睇左邊個碼頭, 不過追船時乜都無理, 唔知有無錯呢??  好彩都無. 坐定左, 有個船員成日走黎同諾諾玩, 跟住仲影埋相.

坐船無聊影的

一上船就食呀食, 原來我地無食飯呀

有3間房, 呢間係套房黎

另外2間都係子母床

幾個小朋友睇卡通

為為成晚就行樓梯

落船都5點幾, 爸爸佢地剛買完餸, 等埋我地就返去, 都行左陣先到呢.  嘩, 好新淨, 好靚喎, 不過佢係半層半層上, 所以有幾條樓梯, 為為就不斷行上行落, 結果到夜晚就撞到, 仲起左好大個腫瘤, 臨訓仲好大, 好在訓醒好d, 但就仲有條印.

返去mandy ee係樹洗洗切切, 呢樹碗碟全部齊備; 跟住我地3個媽媽再出去買多dd野, 媽媽買返對拖鞋著;  到我地返去, 就開始bbq 晚餐, 3個小朋友玩下, 鬧下交, 睇下卡通;  夜晚, 為為訓先, 跟住就到anson; 諾諾原先想訓, 不過姵姵未訓, 佢就c 頂住, 食埋炒蜆, 又食蟹粥, 先去訓.

幾個大人再傾下食下, 媽媽太累, 頂唔住就先訓.  今晚謝謝姵姵爸爸準備的消夜, 謝謝mandy ee同carol ee 幫忙清洗.