驚喜

(wed) 有雨間中天晴

7點未夠爸爸鬧鐘響, 隔左5-10 分鐘, 房門被人打開, 都知係諾諾, 但聽到爸爸講: 諾諾, 吓, 乜咁快既, 你換好哂校服啦.  媽媽一聽到, 即時係床樹彈起, 見到諾諾換好校服, 有扣衫鈕中, 問係咪爸爸拎校服, 爸爸話未呀; 諾諾就話自己拎既.

點解爸爸媽媽又驚又喜???  因為諾諾都算係會賴床既小朋友, 每朝都叫好多次先起身, 又叫好多次先換好校服, 又好多次先刷好牙洗臉;  所以今早發生既事, 真係少之又少呢.  但已叫爸爸媽媽開心了..... 

好唔容易, 這晚終於等到香蕉出了梅花點, 一於開工, 整左芝士香蕉蛋糕, 還有剩餘物資, 再來牛奶布丁(因2位魔怪都很喜歡)

個樣唔太靚, 又唔記得將d cream cheese 整係入面, 所以放哂係面頭, 但我好鍾意食架

後記 : 諾諾都有幫手整, 第2朝比佢早餐時 ~~

諾諾 : 好難食呀()

為為 : 好味呀 (不過只食左一啖)

爸爸 : ok 呀 (一貫作風既答案)

媽媽帶左返公司早餐, 幾好味, 好濃香蕉味, 加上我喜愛既cream cheese.  下次再整過.