運動會

(sat) 天晴

諾諾期待已久既運動會終於到啦, 今年佢一樣參加三項, 60米賽跑,擲豆袋同親子接力, 親子接力係佢同爸爸玩架, 媽媽無份呢.  早幾日佢已經係ee樹不斷用d紙巾練習擲豆袋呢, 為為都有樣學樣, 好搞笑.

朝早約埋姵一家飲茶, 食飽再揸車去, 原來遲左dd呀, 去到已經係開步禮呢, 行左個圈坐好, 就開始啦.  等左陣, 就到諾諾賽跑初賽, 今年好多人都睇好佢, 佢就成日話贏左會送個獎牌比ee, 但媽媽不斷同佢講, 盡左力就得, 唔想佢將得失睇得太重, 最重要係盡左力, 好似綱琴比賽咁.  到佢跑, 好緊張, 佢跑得好專心, 最後幾步睇到佢好盡力, 終於跑到第一名, 佢返上黎時好開心呢.  不過到跑哂之後, 佢都係入唔到決賽呀, 決賽只有8個入選, 佢排第9有11.95秒, 之前第8果個跑到11.91秒呢, 沒法子, 比賽就是睇臨場發揮, 好在諾諾都無乜野; 

行完開步禮, 等緊爸爸(去左泊車)

c 火, 想訓覺咁

bb班同低班既同學仔

點名中 - 60米跑

準備進場

繼續準備中

進場, 坐底再等

下一組就到佢啦

準備

開始啦

睇下佢幾努力

跟住去擲豆袋, 完哂呢2個項目都呆坐左陣, 不過諾諾就同同學玩, 為為就走上走落咁;  又係等點名

點名都等好耐

終於到佢啦

到晏dd, 就到親子接力啦, 小朋友先跑30米, 再交捧比爸爸, 爸爸跑50米, 只見我家好耐無運動既爸爸, 努力之下跑到第3呀, 真唔錯.

因為為為訓左, 媽媽無落去影相. 

努力跑, 交捧比爸爸

諾諾係中間拎住綠色圈果個, 爸爸就係白色衫同紅色衫中間果個, 準備接諾諾捧

跟住落黎時間都係玩下, 為為都訓左, 聽到公怖姵姵同佢媽媽得到親子接力第四, 好戥佢地開心, 點知轉頭聽到諾諾個名, 原來爸爸同佢又係得到第四呀, 嘩, 超級開心呢, 因為無諗過有牌呢, 同埋係佢2父子合力得黎. 同埋諾諾果班都得到全場班際冠軍, 舊年都係.  等頒獎時, 為為都醒, 幾個係跑道樹玩下, 頒完獎就影下相先返去.

明明等緊時好眼訓, 發呆

轉頭又走黎走去

為為都走埋一份

叫為為影相, 企定定擺好post 影

不過轉頭扭計, 又訓地

佢果班既全場冠軍

同班另一d同學

終於到親子接力頒獎啦

為為都出埋去同哥哥領獎

企得幾定定

睇下諾諾幾開心

上年低班既老師

一家人影返張全照

完場lu, 週圍影下相

爸爸同2個魔怪, 同埋曉嵐同佢媽媽返去, 媽媽就同姵佢地去買餸呢.  買完返去佢地都沖好涼, 洗洗切切, 7點到就開始食, 5個小朋友, 玩到傻, 好在又無乜掙野咁.  不過我家爸爸就累些, 因為佢今晚要返工呢, 諾諾等所有人走左, 就幫忙收拾先去覺朱朱.