小食物，大快樂

星期二媽咪大人駕到，點菜要我煮芝士白汁意粉，

一放工就走咗去買佢最鍾意既三文魚生（＋我最鍾意既劍魚腩）比佢嘆，

一打開，嘭、嘭、嘭，兩個食淨一塊，媽咪先提我，”你唔駛影返張相update blog咩？！呢個魚生好新鮮肥美呵！”

我仲煮咗豉油雞翼比媽媽餸意粉，佢話好好味喎，

但係我 next day 食過，ｅｅｅ．．．又話好好味既，

原來個囡煮咩阿媽都會話”好好味！”．．．

係個囡煮既就加晒分．．．梗係啦！

係我煮緊意粉既同時，至鍾意講嘢既媽咪竟然唔係响廚房陪我頃偈，

而係瞓咗响梳化樹睇”同事三分親”，

佢話”我都未試過咁樣等個囡煮嘢比我食，我要嘆吓先！”

”哼！你唔好瞓著覺呀！瞓著咗無得食架！”

呢餐好甜！

食飽之後，我仲即席造咗”日式芝士蛋糕”比佢拎走，外賣比伯伯食！

都係嗰句，”好好味！”我唔信，你地既評語以後唔可以作準．．．

送媽媽走後，返屋企洗完碗，嘩，１２點几啦，第二朝仲要返工呀！

個面皺皺地，可能過熟．．．

留返個大既第二日比斑馬仔同雀友分享，

响ｍｊ枱上分享食物（尤其係干炒豬扒意）係最開心，

因為，特別好味！特別快清！