【猴頭菇鯊魚骨湯】、【芥蘭炒魚鬆】&【杞子蒸水蛋】

家常便飯(第六十集)

(星期二)

琴日去咗迪士尼樂園玩，

加埋星期五去街，

星期六&日係〝例假〞，

嘩~

媽咪足足有4日無煮飯仔。

今日終於開工喇！

整個兩餸一湯，

白飯任裝，

嘻嘻~

總算有住家飯食啦！

【猴頭菇鯊魚骨湯】~

材料：猴頭菇、鯊魚骨、百合、黃芪、蜜棗、陳皮、紅蘿蔔、杞子、冬菇、豬尾骨。

【芥蘭炒魚鬆】~

步驟：

1)鯪魚肉搓成球形下鑊，然後壓平，煎香兩面，上碟後切條。

2)將魚肉(魚鬆)回鑊，加水煮熟，上碟備用。(食落無咁熱氣！)

3)炒芥蘭，再與魚鬆同炒，熄火落雞粉。。

4)撒上葱花，焗2 mins後才拎起。

5)倒少許豉油

我嘅碟頭飯~