拍攝影樓硬照

朝早，我同媽咪出咗去尖沙咀金巴利道，為一間新開業嘅影樓做小model。

由於工作人員喺檔期方面，出現溝通上嘅錯誤，搞到足足遲咗1 hr先輪到我影，好彩我都好乖巧，只係拍攝30mins就換咗3-4個造型，直頭超額完成任務，逗得工作人員好開心&滿意。

鑑於要配合Studio後期制作&網頁設計，所以呢批相暫時唔可以到我哋手上，不過，我同媽咪都即場睇咗幾張相喇，影得好靚，真係辛苦晒幾位工作人員，尤其係嗰位攝影師哥哥，好有耐性同小朋友影相呀！

最後，好感謝佢哋喺眾多應徵者之中，揀中我做其中一位小model，真係好興奮！雖然只係換來一輯相片作報酬，其實都已經令我哋一家人有美好嘅回憶了。依家衷心期待網頁及印刷品快將面世，到時先再同大家分享！！

P.S. 因為媽咪喺旁邊太投入睇我拍攝，完全唔記得要同我拍攝下啲花絮，真係好可惜！