最後一堂孕婦瑜伽班

星期一(16/3)上了最後一堂瑜伽班..不經不覺上了16堂啦..我係16W開始上.好慶幸有上瑜伽班..因為真係幾好玩..只係一個簡單動作..已經發揮好大作用..已經可以拉緊肌肉..過程唔會覺得辛苦..而且miss好似朋友咁講好多生仔貼士比我地...

唔知係咪上咗瑜伽班關係..整過懷孕過程都好順利.試過2-3次小腿抽筋.小小腰酸背痛.其他一切正常.行動算自如.d同事話我仲行得好快..所以非常建議孕媽媽去上..呢幾堂都多咗好多人上..之前一直都係5-6人..但呢幾堂變咗10幾20人上..miss都話唔知點解會突然多咗咁多新同學..可能一傳十啦...

生完之後如果時間許可會參加產後運動班修身..但當然要睇吓有無人照顧bb先啦...

之前有電視台黎拍miss上堂過程.我當日都有份上堂..唔知會唔會影到我呢?

個節目係3月28日(星期六) 20:00係ATV播..如果大家有時間可以睇吓...