生日"極不"快樂

11月12日

好友結婚大喜日子...
一早預備好花球送給好友註冊....

可是，一直病重的三姑奶...
支撐了差不多兩年...
受盡了病魔折磨...
今早，終於累透了！...走了！離開了！
希望你真的脫離苦難，一路好走吧！

好友的花球..不可送...
給好友的祝賀...都不能送...
唯有在這裡，祝好朋白頭到老、永結同心！

11月13日

小燊一直都唔多肯食固體...
每日，餵食都餵都好燥底...

今日，又係唔肯食....
奶奶就無啦啦抱住小燊...
無端端...又扯"觀音菩薩"落水....
抱住小燊說︰"觀音菩薩保佑.....BB乖乖快D食...快高長大"...
"扣頭""扣頭""扣頭""扣頭"

真係好好好好討厭...奶奶抱住小燊..."扣頭""扣頭""扣頭"

真係好唔鐘意....

好燥....的我說︰
唔駛食啦！
"扣頭"...練仙....啦！
"扣頭"....就唔駛食都會飽...啦！

11月14日

今日，又係唔肯食....
又係餵食都餵都好燥底....

餵食過後...
奶奶無啦啦不停的捉小燊飲水水...
飲左幾啖..又續下....重覆左幾次...
小燊唔肯飲...
我就話...你唔好迫佢飲啦！
一直都不以為意....

後來，見個杯得返好少水...打算加D啦！
發現杯底有好多一點點...好似係污濁野..
於是，我問奶奶係咪D水唔乾淨...污濁....

點知，佢答我..."唔係污濁、總之唔會毒BB既...係保平安既！"
我心裡即刻覺得好嬲....點解又係保平安....

我真係好嬲...嬲都即刻喊左出黎...成個心都震晒
即刻倒左...."有無攪錯呀！你比咩BB食呀！"

我老公再叻就係唔出聲

我真係好嬲....嬲到要發癲....

奶奶竟然惡人先吞狀...
與奶奶首次發生口角
大聲回應我︰"我唔想同你抄架..."
我︰咁你比咩BB食呀???點解要偷偷地呀?"
奶奶︰我會毒佢咩、我會害佢咩....諗得我咁陰毒..."
(佢自己屈我諗佢陰毒)
我:︰"我點知你比咩香爐灰、燒D咩符水比佢飲呀?飲左會點呀?"
奶奶︰唔會...唔係....同你講你會信咩.....??
我︰咁你又話保平安??咁係咩呀！唔講點信呀?
奶奶︰係"珠砂"...係同仁堂買既...定驚既...你唔信去問中醫...
我︰咁你又話保平安??...你話保平我咪以為你又求D咩比佢食囉！
奶奶︰你自己問心呀！BB肯食野都係同觀音求架咋！
我︰下！關咩事呀！.....
(真係好火...又扯"觀音菩薩"黎講)
我︰唔食野...你就同佢去"扣頭"....
           "扣頭"就自己會長大啦！唔駛食啦！
我︰剛剛依家叫大d..叫做訓倒天光....我唔覺得你之前同佢拜咁多次有用囉！"

奶奶︰好！咁以後唔同佢拜、唔會整野比佢食...、你唔好叫我整...咁你放心啦！
(我心︰我從來都無要你整...由頭到尾...我都係想自己攪掂...無求你囉！)

真係好嬲...不過我都知自己衰左....
一時之間，忘記了...奶奶剛"喪女之痛"....

最叻唔出聲的老公...
好一段時間，才出聲....
當時，奶奶已經關自己在房內嚎啕大哭...

老公開聲，每有問題都說的一句︰無論是對是錯，點解唔可以控制下情緒先呢?！
(如果控制倒...早就唔出聲啦！)

聽到奶奶在房內嚎哭...
不停的埋怨..."點解自己個女咁早走....點解走的不是自己...."
我心裡....都有點怕...
害怕她...會一時看不開...

我確實不應在這時候...如此激怒她....

基本上....在這個家....
無論發生咩事...我都要忍...

我知道...此刻真係對不起....
在奶奶"喪女之痛"....的時候..
終於的忍不住....跟她吵起來...

乃念奶奶"喪女之痛"....
害怕奶奶一時看不開....做傻事..
又為了日後...可以在這個家...行屍走肉的如常過日...
又為了奶奶好好的下階....
又為了免得老公難做人....
又為了免得老公討厭自己....

我連忙哭著說"""對唔住，我都唔想...我真係好嬲...嬲都控制不了！"

便跑去找門匙.....
跑到奶奶房...設法開門進去....
一開門....
只見奶奶伏在地上嚎哭....
我連忙撲上去.....
從後擁抱她...不停的說..."媽，對不起，我唔應該在這時候激你"
擁抱她...好一段時間....不停的安慰她.....
叫不要傷心.....係我唔好...等等.....

我都好明白"喪女之痛"....白頭人送黑頭人....
是多麼的不幸.....
事實上，見倒她哭得如此淒慘.....
我又怎忍心呢！

事後，希望...時間能沖淡一切...

心裡...仍然感到很委屈....
在這個家...沒有人會幫我...
面對奶奶...無論什麼時候....
錯的...一定是我...
無論....誰對誰錯...
奶奶一定是對的....
奶奶的出發點永遠是好的....就可以偷可以搶的...
在這個家....我是介入的....沒權沒理...可說..的

心裡...仍然感到很委屈....

11月15日

極不快樂的生日.....
心裡...仍然感到很委屈....

在家...我要好好的如常面對奶奶

老公，還不忘的提醒我....
呢段時期...奶奶好敏感...
說話要小心....

基本上，在這個家....
任何時候.....連食飯都要小心...
不單是說話...還有百多樣禁忌....
充滿著壓力的家...

總之，幾時都係我唔著啦！

生日，沒有蛋糕....
老公的一個方型薄餅說當作蛋糕....
一句的"生日快樂"....
令我更加覺得不快樂....
只能免強的冷笑...

願....不想許...
究竟....我還能忍受到幾多日子

預感...終有一天....
我們會因為"她".....而"離婚"收場....
但願，我可以再看化多一點...
免得....我的愛兒們要成長在一家不健全的家..

(如果老公睇倒呢一編BLOG...可能會好嬲，可能覺得我唔應該將家事寫出黎...
但希望他明白....這裡是我唯一能夠宣洩的空間....
唯一，讓我平衡心理既地方，請體諒！)