中秋大棠荔枝園

早幾天上傳了好幾次都上傳不到相片，所以都無咩心機寫 blog，今天再試一試又上傳得，有時真係俾 yaloo 玩死 >.<~

03/10 星期六中秋假期，在有心無心之間，走左入八鄉找朋友玩左一日^^~

行程第一步就係入八鄉接左佢地一家四口上車，再入元朗食日本野，呢間日本野出名大碟，見識過後真係唔到我唔信，我覺得直頭大得有點過份，發現真係"多"，未必係好事，合宜才是最好。

之後本想去濕地公園睇吓，但又怕無咩玩，所以最後決定去左大棠荔枝園。左轉右轉，如果唔係個朋友帶路，我都真係唔知點去。

入到去原來都真係幾多野玩。

仲有牛車坐 ~

又有馬仔騎，可惜頌恩一上到馬就怕 .....

所以最後轉左由我騎，雖然只係騎得一個圈，但都俾我覺得騎馬都幾得意，有機會可以再玩吓~

之後有機會影左張大合照。

又可以同 d 馬仔玩吓，佢地個咀好得意 ~

不經不覺太陽都開始落山，個天好靚．好靚 ~

之後發現原來我地 d 門票只可以玩到17:30，所以便立即走去換左 d魚糧就算了~

之後就再四維行吓。

影吓。

很快就天黑了，我地就出返去元朗商場食野，食完野之後就去左元朗公園到玩吓火禁 la ^^~