突然之間

整整一個月時間，生活得好像一切平淡，但回想一吓，但又不是 ... 是否開始失去平衡 ?

整個2月沒有開工的日子多的是，就當是放一放假，所以很多時間都用作了輕鬆心情，咪又即係"玩" la~

本來一早無想過買的"街頭霸王IV"，唔知點解又買左，仲自己用左兩日時間去 DIY 個無手掣玩 ... 。在早幾個月前又想過買返部摺合單車玩吓，但因為喜歡的又太貴，又唔知可唔可以好似以前有禁多時間踏單車，所以都無再想過。但無 la la一個朋友又提起，還找到國內有得平，所以又用左幾佰蚊買左返來玩吓~ 希望今年可以多 d 機會同頌恩踏單車。

整個 2 月雖然無咩工開，但到月尾就有一單機場的工程開始，用了一個多星期就完工，今天就剛好交貨。因為時間及工序關係，工程分開了日夜師傅，但我地卻無得分，因為日夜的工序都有關係，所以在這個多星期又好似進入左忘我境界，起初頭幾晚，頌恩還未習慣，還常哭著打電話來，但經過了好幾天解說，她都開始明白我的處境 (我想她真的明白)，還因為沒有我在家，所以早左訓 .... ~

工程過後，我的夜訓習慣好像比之前更上一層樓。昨晚可以正常放工，12:00 已經好想訓，但又唔知點解上到床又訓不到，拿著部 iphone 攪吓攪吓又攪到成 3:00 先訓。今天又差不多，8.9 點洗完白白，在廳訓在一陣，11 點到又好精神，就睇左隻 DVD，之後還未想訓，就找一些書來看，找返一本買了很久的書 "WWJD 耶穌會怎樣做?"，原來係靈修書，連我自己都唔記得左~ 睇返好幾天自己的靈修問題和答案，又再次提醒自己要從新 "從靈開如" ，給自己心靈上一個成長的空間~

今天剛好提到禱告的能力，為什麼用 "剛好"? 因為就正正經歷著禱告的問題。事源就是明天...即今天頌恩學校畢業旅行，但天文台在早幾天前已經講左星期五 (即今天) 會下大雨，學校和家長都為了此事大傷腦筋，學校就教小朋友為這天天氣祈禱，但過了星期四的下午，信心就開始有些動搖了，因為星期四的天氣真的 180度轉變了，天文台還兩次發出黃雨警告... 不過經過今天的靈修，心靈上又好像多了一些啟蒙，信心等級的功課還是要操練，但焦點還是很重要。

今天的眼光好像只放在落雨唔落雨，有 or 無信心成就此事身上，忘記了上帝卻喜歡用衪自己的方式來成就事情，自己卻找試探給自己，做了一個傻瓜~

晚上見到頌恩自動自覺好認真的去為今天旅行事宜祈禱，我深信天上的父親一定會聽到，我自己都好希望頌恩雖然只是小小年紀，但都可以經歷呢位創造者的同在。還有幾個鐘頭時間，就再睇吓會發生咩事好了~