聖誕崇拜 + 聚餐

25/12 星期四聖誕節，每年的聖誕節，都係教會最多人返來崇拜的日子，原因有好多，其中一個就係有好多已經離開左香港的會友，都會就聖誕節的假期返香港旅遊一番。今次其中一個雖然唔係會友，但卻係舊團友及他的太太和仔仔，因為佢地好少返教會，所以佢地就成為左我今年的目標 。轉眼之間，大家不單單已經有了家庭，還有了細路，時間真係如飛似箭，使我又再想起聖經的提醒 "我們一生的年日是七十歲，若是強壯可到八十歲；但其中所矜誇的不過是勞苦愁煩，轉眼成空，我們便如飛而去。誰曉得你怒氣的權勢？誰按著你該受的敬畏曉得你的忿怒呢？求你指教我們怎樣數算自己的日子，好叫我們得著智慧的心。"意願時刻都能好好提醒自己，時間真的已經無多了，大大話話都已經行到人生中的一半關口，還年輕的時候，好多時間都不能自己控制，直到現在，自主的時間多了，願能更好好珍惜~

第二個都唔係會友，但卻係舊小組的一員，今次見面，佢又已經身為人母了，BB 仲係得幾個月大，真係為佢高興。

崇拜之後，又係一年一度的聖誕聚餐，今次的地點係油尖旺，地方十分之不錯，好大好大，仲要係四四方方。不過又因為成長的一班大家都已經開始有家庭，所以一張長檯已經坐不下了，我地只好分開一吓，希望有一年，我地可以坐滿兩張檯，開開心心聚首一堂~

老媽都係一年來一次的客人，見我家姐已經好努力禁同佢傳福音，希望佢有機會能真真正正認識呢位創造者。

BEN 叔叔的仔仔，轉眼間又大個仔左，不過父母都唔係好識得教導佢，真係要多多為佢一家人記念~

食到尾聲，開始四處走走，同一班過氣團友仔影吓相~

其實睇落我同佢地年紀都係差唔多吧~ 起馬我自覺係 la~

一個返了第二間教會的團友仔，因為已經很少見面，所以今次見返面都好開心。

哥哥又因為工作關係，又已經很久無返教會，但年中開始又再可以恆常返來崇拜，我都好開心，希望佢能夠返到團契就更好 la ~

今年好特別，因為係完了聖誕聚餐，大家就各自有節目，而我地一家三口係無節目的=.=，所以本想車完老媽返屋企，再車返 BEN 叔叔一家返屋企，就回家休息休息。但 BEN 叔叔話過開海還不如去工展會行吓。我就咩都唔怕，最怕無車位，所以決定去一轉，有車位就行，無車位就走人。

點知去到等了不多時間，就有一個車位，可惜我們係第二傢等車位的車，但可能第一個C機見到我地有細路仔，所以都將車位讓給我們，真是多謝這隻C機哥哥。

我地一家三口真係第一次行工展會，原來都真係幾多野買，我想下年一定有機會再去，仲會做定功課，睇吓邊 D 最平最實用~

之後就一齊食晚飯，食完晚飯就再車佢地一家三口返屋企，之後就好完滿禁過左呢個聖誕節 la。