好耐無打blog啦

身邊總會有d fd會甩我底, 仲要係唔止一個!!!講真真係好Q討厭電話又唔聽取消左唔去都講聲丫malee d人真係唔多想同佢地講野

最近日日返工, 真係好容易返到迷失自我將我個腦變成一張空白既紙, 再不斷係上面寫哂返工要做既工作, 將原本係上面既野幫我通通擦走哂幾個月之後, 我唔知可唔可以重新將真正既自己寫返上去呢...

岩岩放孖Day, 去唱K!好耐無咁開心咁玩過啦~~不過時間玩得太短~..唱得果五個鐘用即影即有相機影左三張相我隻手唔夠長~影到個頭好大~~最後叫人幫我地影~~唔錯~幾靚~

又病...今次應該係感冒炎夏曝曬之後吹冷氣加上呢幾日又濕終於都又病左頭重手腳輕無胃口又唔知幾時先好返....

呢幾日太多野做, 公司又多野搞, 自己又有野做....搞到我晚晚都唔夠訓咁樣我好快就會攰死架啦返多兩日工就到星期日, 可以訓多d!!星期日快d黎啦....

有得報名啦!http://www.cash.org.hk/hk/content/web.do?id=8080808021633d14012393b1c22600fc10月5號截止....最近無乜時間整d歌, 希望可以趕得切完成首歌交去參加啦~~

晚晚都係訓得果6個幾鐘,好眼訓呀!!!!!!!!而家先星期二, 仲要返多四日工先有得大訓一場

今日生日~搭正零時零分收到個生日快樂SMS!!!好感動以前都未試過有人對我咁做~又大左一歲, 希望事事順利, 唔好好似上年咁失敗~第一份大既生日禮物就係琴日8號風球可以提早收工, 今朝可以訓晏d...

呢幾日病病地~返工又要曬, 曬完又要吹冷氣....呢幾日仲要有雨落先死, 淋完雨再吹冷氣, 想唔病都唔得...喉痛又頭痛又唔夠訓~今日星期日訓左成十二個鐘終於都好返d~又執左d中藥飲~應該好快好返~