SgtD - 喪玩

星期六勁玩。

跟狗友們去"香港犬隻工作及障礙賽事會有限公司(HKCWAC)上水場地"練習敏捷比賽。天氣幾好，曬得唔算太熱。(好在有我頂Akubra!!!)

場地在粉錦，非常整潔，很具規模。事實上Dec 11的Agility 比賽就在此舉行。入場費$50，包兩支飲品。

一輪講解規則/扣分制度後，阿Yau師父幫我帶一帶沙展先上A-Frame後，我地自己行Dog Walk，上table，過欄跳over，行埋See-Saw完成一round. 我地行幾個round已經幾累。因為我搏晒命要快，走呀走呀~ 沙展學得好快，第一次唔願上A-Frame，上過之後所有野都唔猶疑o勒! 會唔會行行下跌落黎? A- Frame唔會，Dog Walk會跌架~ 跌冇事0既，草地嘛! 上table 初初唔願down，換返choke chain聽話晒。過欄冇問題~ See-Saw間唔中會過早下板。 玩到兩點幾~ 沙展有時伏低偷懶唔郁，Yau師父督促我迫佢行~ 冇得蛇王! 沙展唔需要任何零食引導去玩，好乖! 其他狗呢，有d要treat，有d有treat都唔行，不過有d唔駛treat唔駛leash都玩得好流暢架~~~

Yau師父仲教我點樣train得沙展聽話d，sit / sit-stay 都好左好多。

同場仲有Yau師父的狗 (Labs, Border, German Shep...)示範高級Agility同水中踩水嬉戲~ 超正!

(我夜晚仲去睇憶蓮concert _{_}好累)

星期日東龍島喪玩

其實沙展都未回氣(我都未啦~~)，出門時都有點疲態。上船要戴口罩，先發現條帶斷左。好在有位靚女有多一個借我。沙展未搭過船，好鎮定喎! 好笑在班狗互相幫對方除口罩...幾sweet!

行呀行，遠離露營人燒烤人，上到近山頂我都放繩o勒。唔放繩會跌死我，因為要手腳並用上山。未上到頂聽到有人群驚叫......

原來山頂有兩隻唐狗。我地十幾隻beagle一隻金毛兩松鼠兩Cock一殺到，就追趕老唐。途人不齒我地狗多蝦狗少。本來都係幾隻beagle追兩唐，追追下都唔追，除左一隻。就係唔怕死的沙展。

沙展追其中一隻去到懸崖，兩狗一齊衝落去消失於草中。人們尖叫，我搏命跑上山。跟住老唐跳出跑回山上，沙展緊隨尾後。老唐直奔進山頂矮樹叢中，只聞吠聲。此時我已追至，沙展見我便慶高彩烈飛跑來，我立即上繩。一額汗。

後來我走近那邊懸崖看看。先識驚。 如果那裡沒有草堆矮樹，沙展已跌出懸崖。如果那隻唐狗古惑d，真係一個假身trick左沙展就無得淨...... 其實沙展唔係想打交，係想同佢玩。

咁驚險都過左骨，其他落山上山燒烤沙灘狂奔都係濕濕碎。

旁晚回家玩食兩舊Poo後一覺訓天光。