SgtD-懶鬼boss兩週回顧

一來懶，二來忙，三來屋企keyboard冇電，想update下blog也不行。

keyboard係紅外線，要AAA電池二枚。每次去超市，只會記得買蒙牛，最叻那次買了AA電，AAA還是沒有買。無心裝載，我認的! 不過記憶力嚴重衰退都有關，大鑊。

三扒兩撥，一次過update兩週的沙展diary。

首先多謝各位大家投票，得左個blog照優異獎。志在參與，所以所有獎品總之食得落肚，無論貓糧狗糧，全部送比唐狗阿寶寶。寶寶係我老豆樓下的村狗。

沙展隻腳好番好多，所以曳了! 例行偷廁紙，自我conditioning，入親洗手間就企晌個架前，頸伸長，o趙!

我的潔柔三層廁紙，給牠蹂躪了幾卷!

由於少了周末活動，只好平日玩點遊戲。

Hide and Seek，即係收埋個Kong或者骨，叫沙展去搵。佢玩得好開心，我又要提佢水，一身汗。玩完佢嫌唔夠喉，走上去擔個波落黎。我梗係唔理佢啦，睇陣National Geographic先。

Cicker買左好耐，無認真試過。呢排試下，都ok，要再集中d試。都係click-pause-treat，我用來教沙展分辨玩具, 哪是KONG，哪是BONE。

熱辣辣，沙展發明左個新伏式，就係豎起一邊耳。無論係牆壁，或者係籠，總之挨埋去貼個頭埋去，伏低。咁就可以撐起一邊耳，涼快好鬼多架!