又愛又恨之「夏威夷木瓜 Rainbow Papaya」

最鬼衰就係"地域"，介紹我食哩個木瓜，佢話契女不知幾歡喜食佢，嘩~ 得兩歲人仔就食咁多好野，大個之後都唔知典算喇~

大約半年前左右，我地帶住嘗試嘅心態下，買左第一次返屋企，至此之後，攪到我地成日買黎食，就算去到Super Martet無野買，都要買番個返屋企............等熟...........再放落肚仔。

大佬呀!! 唔平嫁~正所謂"又肉痛又愛吃"~ 真激死~!

第一隻

↓ 產地係夏威夷，哩個係"Jusco"買，成40蚊一個，原本買嘅時候，差唔多全個綠色嫁。

↓ 放係室溫成十日先熟。

↓ 如果有糖尿病，就一定唔好試喇~ 點解？因為甜到不得了，非常好味!! 無一般木瓜嘅澀味同臭青味，佢d味道同祖國個d有一段距離，點解同一天空下，竟然有咁大分別，同胞們請再努力鑽研呀!! 我地會支持你架~ 不過唔好再加d化學野落去喇~

第二隻

↓ 都係夏威夷出產，哩個係"一田"買，成42蚊一個，個貼紙同上面"第一隻"唔同喎~ 其實哩款係最受歡迎嘅夏威夷木瓜Rainbow Papaya，記得認住"Rainbow"呀~ 因為夏威夷木瓜分四個品種，以哩款係最正嫁~

↓ 哩個放三日就熟晒，唔食就會爛嫁~

↓ 上面個隻偏橙色，哩個就金黃色。

↓ 我覺得哩個好味過上面"第一"個隻~

↓ 我同小寶寶，每人食半個，每次食完就想再食喇~ 對佢真係又愛又恨呀~

大寶寶話其實點解夏威夷嘅木瓜好甜美？因為係土壤有火山熔岩成份喎~ 咁樣即係點呀~？ 總知就好味喇~