廣州遊--第二天回程篇

19/10/2009

4點幾我哋就離開好好玩同好新鮮既長隆,之後就搭地鐵落返去...上下九步行街搵野食!!

朋友仔叫我去搵....出名既陳添記食魚皮!!

朋友仔冇講我知佢既位置架,我只係尋日行過上下九路,一路行一路周圍望先比我見到佢0係正條巷仔度,差D走漏眼搵唔到!!!

呢度淨係賣3樣野

個腸粉都過得去啦,粥就好綿,不過D料就少左D,6蚊算係咁啦

就貴既就係22蚊一盒既魚皮,堂食都係比膠盒裝住D魚皮!!

不過我就覺得D魚皮麻麻哋好食,唔夠香港既咁爽口囉!!

再行多一陣就去左...蓮香樓!!

豉油王炒鵝腸..好香既豉油但又唔係好鹹,鵝腸好爽,正!!!

流沙包

熱辣辣,真係好好食呀!!!

冇錯...又係食呀!!

我哋臨走前去左蓮香樓隔離既..南信食甜品!!

左邊既係南信雙皮奶,右邊既係椰汁雙皮奶!!

都係左邊既好味D,右邊既椰汁搶晒D雙皮奶味!! 每碗都係7蚊,抵!!!

不過最可惜就係搵唔到出名食腸粉既銀記呀!!!

我哋坐8時火車返深圳,返到屋企都成10點幾,好攰呀!!!

今次兩日一夜廣州長隆之旅,真係玩得好開心!! 雖然自由行真係貴過跟團,不過時間上我哋可以自己控制到,唔洗比D團帶你去呢度果度買野,自己又可以去食想食既野!! 長隆既馬戲表演同野生動物園真係好精彩同好好睇,好正呀!!!