宇宙開心大合奏

今朝冇雷公咁早 5:30 起身, 然後搭車入大圍, 食個特早早餐, 等埋 Richard 揸車入大尾篤訓練.

7:00 到達大尾篤, 泊好駕車, Richard 去咗對面食早餐.

7:30 返到停車場, 人山人海, 9成都係宇宙人, 唔知有冇嚇親人.  跟住自己熱身慢跑兼拉筋.

8:00 潻哥 briefing 今日路線及水站安排.

全程約 29-30K (冇Forerunner 所以唔知正確里數).

開跑前見到小鳳哥,我話小鳳哥呀,你跑嘅時候慢d等埋我吖,小鳳哥話我噚日先砌完一課,点會快啫.    最後我祇係開跑時候見過佢一面.

最多都係跑過24K, 所以前半段都唔靠胆快, 驚衰收尾, 跑到返嚟水霸都 OK啦, 不過明顯跑第二轉時, 大脾開始發爛渣, 唔多聽駛.

最後用咗 2小時40分完成訓練.    要繼續努力.

第一次跑咁長, 第一次參加宇宙特訓, 見到好多 blog友, 包括: 存哥, 安哥, 吉哥, Lawman.................數之不盡呀.

PS:       多謝跑到停車場攞水時, Karen同我打氣, 應該跑快咗5.........秒呀.

             多謝存哥, 吉哥同我影相.

             最後要多謝 Richard 揸車免費接送.. THX