2009游船河

又係一年一度游船河活動，日期係上星期六即 8 月 8 號，集合地點西貢公眾碼頭早上09:30，參加人數大约 20 幾人，當日天氣炎熱，有小小雲同煙霞，但尚算天晴，之前兩日剛打完 8 號風球，在台灣有一個巨型風暴，所以好驚天氣唔好要取消活動。

當日早上 9 點已經到咗西貢譃食早餐，食完早餐在碼頭集合，所有團員都準時到達，點齊人數及准備好食物同飲品在 10 :00上船，今年隻船比上年嗰隻大，有上下兩層可以容纳50人以上，所有人上船後立即向目的地出發，今年我哋在白灣停留，船程大约40分鐘，到達白灣已經有20幾隻船到咗，當船家泊好隻船各人已急不及待落水游向沙灘，白灣水清沙幼但石頭比較多，各人游到沙灘後就各自活動。

到13:00開始午飯同休息，食完午餐開始水上活動香蕉船同跳水，到16:00各人上船沖身及收拾行裝回程，约下午5點返抵西貢碼頭，一年一度游船河完滿結束，明年見。