網誌私有化

本人好開心係寫blog呢度認識左咁多好朋友,大家亦因為攪婚事以致有好多共同話題,識到各位真係好開心,大家真係好真心咁關心大家,呢d真係由心底出於既關懷,沒有任何私心,呢樣野我會好珍惜既....朋友相處係貴於真心,一個人只要出於真心誠意,朋友就會咁樣真心對番你; 一個人唔洗相識滿天下, 亦唔洗專登去識好多人, 只要有真心既朋友係你周圍, 你有困難時, 佢地會關心你, 甚至伸出援手, 我相信呢個已經係一個好大既福氣....

大家若有留意我既blog,都會發覺我好多時會用x黎加插係店鋪/名字之間甚至將呢d名字更改,免得他人seach冇關痛癢既事時,會search到此blog...

寫blog係好人私人既事,雖然冇話什麼版權既問題,但都好希望大家互相尊重,不要將他人網誌隨便公開,始終網絡既世界太大,無奇不有,公開了一個人,受影響既可能係好多人...

其他blog友仔已開始實行私有化..雖然本人覺得呢度係一個sharing既好地方,好想將婚禮點滴同各位分享,同時本人亦覺得不想這樣及浪費時間咁做, 可惜係本身已經忙得不可交加既時間同無可奈何下, 本人亦將會陸續將個別網誌封鎖...敬希見諒!!

做任何事前我都希望盡量顧及他人感受, 有時可能真係顧及唔晒咁多人, 但事前諗清楚, 好多不必要既野都唔會發生, 三思而後行, 呢句說話真係冇錯架!!

同時, B.D.Club既聚會, 我會係明年重新再攪, 到時可能會傾番婚禮遇到既各樣事情, 甚至有d已可能貴為人母, 我地可能會一齊見証大家步入人生既另一階段(結婚), 再另一階段(生B), 希望各位到時密切留意同繼續支持!!!