香蕉朱古力撻

聖誕節係一個好西化既節日,吾食甜品好似欠了一點點, 柔美都好耐無開爐,整番個超易整冒朱古力撻先, 今次係睇到張報紙既食譜,見易整又有齊料,開工.

做法好簡單.

先預備 牛油50克,糖粉40克,salt小許, 蛋黃2隻,低筋粉100克,鮮忌廉75毫升, 朱古力90克,我用左63%既,有小小苦.香蕉1隻.

先預熱焗爐180度,

把牛油,糖粉,salt攪至白色,加入蛋黃攪至滑身,加入蛋黃,再攪,之後放入正櫃.

用180度焗大約13分鐘,見個邊有小小金黃就ok.

出爐後等15分鐘左右, 個撻皮凍左,就開始整個cream.

鮮忌廉用慢火煮熱至有小小泡,加入朱古力,熄火拌勻.

把香蕉加入撻皮中再倒入朱古力,雪硬,攪掂 !!

當然想好味d可以加入呍呢拿籽,不過我無 !

25/12做左,成功之後, 26/12仲做左10幾個一口一個細細個既, 拎左去英e 屋企開party 食, 第一次整無加香蕉,第2次整有加,果然香蕉同朱古力個味個perfect match. yeah.

remark : 今次柏言仲幫心整,好叻仔呀,可能打發牛油時,牛油發出好大香味,柏言都玩得好開心.哈哈

不過我覺得雪一陣最好味,雪太硬反而無咁好味, 溶溶地既cream 最正.