網誌分類：柏言16-19個月 |
圖片
網誌日期：2009-12-09 00:05
柏言宜家呢個年紀就最鍾意模仿我地.講野呀,動作呀,咩都跟.
今日姐姐同我講柏言有一日無lala拎個掃把掃地,我話佢點會知道個掃把放邊,個掃把放得咁隱蔽,點知果頭講緊佢,佢又衝入kitchen拎個掃把係咁掃 !!
沬地吾在講,早幾個月已成日拎住布布周圍沬, 呢幾日又成日攪d衫,之前都有攪既,不過宜家係upgrade板,拎開個衣架,嘗試整番件衫入衣架, 整吾到就周圍拖d衫走 !
今日仲好笑,同佢沖涼,姐姐開緊水,我放左支沖涼液0係地下,佢襟個沖涼液之後做個洗頭洗面既動作,真係有文有路,如果佢夠力襟就真係洗到呀. 真係叻wor.
其實佢已經不知不覺學跟我地做野講野,所以我地宜家既言行舉止都要小心,好似早幾日吾知點解姐姐鬧佢死8公,可能佢好扭計, 我都即刻話佢, 可能姐姐吾知咩係死8公,只知道係鬧人既意思,不過你都無理由咁鬧我個仔ca ma, chi線, 之後我同佢講,佢聽慣左,第時周街叫人死8公,叫你死8婆咁點, 小朋友講開左就好難改口, 所以吾比講, (更何況係鬧我個仔),更加吾比講la, 真係大膽 !!! 神經 !!!!!
