1628長途電話服務永不錄用

　　已記不起有多久沒有更新blog。

　　發現現今的blog除了是偶像明星的貼圖區外，就是一個宣傳的途徑，當然也是渲洩地方。今早被一個來自電訊公司＜1628＞的電話所吵醒，這才發現，原來我有用這家公司打長途電話。一天總有一千幾百個不知名的人會無緣無固的打通自己電話來推銷，連特首也曾中招。這種討厭的推銷行徑一向都令人煩厭。

　　電話中的職員說：林生你欠交我們公司的用費，有183元的欠款，請你盡快交。

我：但好像我已申請了自動轉賬？不是嗎？

電：呢度電腦無呢個紀錄！（嘆氣）

我：上次係你職員問我要卡number，佢話幫我申請埋自動轉賬？

電：呢度電腦無呢個紀錄！（長嘆氣）

我：咁我可以點交返錢？（看清我問題，是問可以以那種方式交費，而不是問地方）

電：（越來越來的嘆氣）ｏｋ便利店、信用卡、繳費聆（更長的嘆氣）

我：我係問可以點交？

電：我都講左啦，都話ｏｋ便利店、信用卡、繳費聆呀！你聽唔倒呀？（怒氣加長嘆氣）

我：咁我係咪去到ｏｋ便利店同佢講我要交錢，咁就可以交倒呢？而且我係想用網上理財方法去繳費，你明唔明呀？（我本一直平和，但我就是忍受不了蠢人）

電：網上理財？

我：係呀！網上理財呀！好方便架！e-banking呀！（怒氣）

電：咁....（一時反應不來）你上網交都得，你揀返我地個公司名去交啦！

我：咁我係咪揀左你公司名就交呢？交比邊個呀？

電：（嘆氣又回來）你打返個account number啦！

我：最主要係我連幾時收過你地賬單都唔知啦，我點知你比個咩number我呀？

電：＜一個長到連阿媽唔認得的號碼＞

我：麻煩你即刻幫我取消晒我所有呢間公司的account唔該！

收線！

　　有時候不介意人蠢，但只要有一個虛心，什麼事都可以因為你的誠意去改變。1628這家公司的長途電話費不算是便宜，而剛巧又有著這等的服務，有這等態度及高智商的服務員，應該不多久便自動被市場所淘汰。因為海外親友及工作伙伴多，平均每月我也用上三千多元左右的長途電話費，雖不是什麼大客戶，但也算是一個用者，個人亦用了不少家公司，其中我認為服務好而又收費合理的，有幾家大家可以選擇：CSL、CTI、1686等等這幾家都可以，最起碼，他們的服務員是有智慧的。

　　而家我自己及我公司，我朋友們的公司，也立即停止1628的服務，因為他們也受不少氣了。