現在的我，每天都留意股市行情，比起追連續劇還要神心。
每天早上，例必看新聞，更新一下天天不斷轉變的市況。
全球經濟大倒退，回到1998年的時代，不，應該是比當年還要差。
十年一個CYCLE，準時到不行。 

我喜歡跟兩位同事談論股票和經濟，因為我是新手，跟她們傾談，可以觀摩她們的投資心得。
昨天，同事把曹仁昭的文章給我看，大讚他的心得如何準確，文章的手法如何風趣幽默。
曹先生昨天的標題：滿街鮮血 忌亂博反彈，談論現在不宜入市等等，我又上了一課。

今早，同事A一早發了個電郵過來，內容如下。 

Subject: 幾正的金句 

盛 極 必 衰 ， 否 極 泰 來 ， 絕 處 可 逢 生

我：鬼唔知絕 處 可 逢 生咩, 10年後又一條好漢, 人有幾多個10年丫….
同事B：我地下一個十年, 要等2018
我：我直頭生不逢時, 反應過份遲鈍, 遲左一年先入局, 而家變左玩大細……
同事B：鬼咩. 你戰國時代先走黎玩. 宜家出面鬼死咁亂……..滿街鮮血
我：無計, 而家只能期望海底撈月, 等到回光反照時沽一沽, 搵下買餸錢……
同事A：早知個時同你 hae 啦.
我同呀B都話, “我地講股要細細聲, 唔好比人知, 個office d 人都唔興玩股”
我：你地果陣挑逗下我丫嘛, 攪到我而家咁痕, 但係又止唔到…….
同事A：個市再趺, 我會買野….買d long term　野，工行平到笑．．．．．如果真係趺到近招股價３元，我就入
同事B：工行呀, 好呀, 銀行股穏鎮d.
我都想入貨, 但唔係宜家, 或者過多一兩個星期.
我：出面吹風月尾有反彈，不過當然唔係大反彈啦
仲有，出面勁唱衰HSBC，仲講到話” 而家你執到錢都唔好入5仔呀，有排跌呀”
同事B：我驚月尾果下反彈只係結算日, 曇花一現, 個個月都係咁, 之後又開始直插.

幾個女人仔談股論市，弄得一大清早便無心工作。 

不久我又收到另一個電郵，我把它轉發給兩位同事。 

Subject: 見 13000

曾淵滄睇13,000

今晚掹車邊見到曾淵滄博士, 聽君一席話, 勝讀萬券書, 假設曾氏通道是有效的, 佢暫時預計(被眾人軟硬兼施去問)會最少跌至09年3月 及 見 13,000  。

而樓市這五年內共缺五萬個單位, 五年後暫時只有2,000個單位去應付每年二萬個需求。

P.S. 資料分享only

同事A：曾淵滄係好野黎,  一個係佢, 一個係曹仁昭 
我：睇黎我想買樓都係凍過水
同事A：都未必呀,個市唔好, d 樓又會平d, 仲好
我：係平呀，但學曾淵滄話齋，咁樣咪demand > supply，到時炒樓既炒樓，真正需要買黎住既人可能無運行

這個時勢，我更加要緊記五個字：財不入急門。