網誌分類：活在彩雲間 |
圖片
網誌日期：2008-08-22 15:38
前晚，終於開戰了，不過我並沒有出面，由HONEY代勞。
這樣一吵，更進一步證實了奶奶的自我中心，她心目中永遠是別人不對，把問題諉過於人，HONEY更把我想遷出的念頭告訴了她。事後，她的態度是有些微改變，我採取觀望態度去觀察她。
女兒出世後，我一直盤算著以後的生活，到底怎樣的工作，怎樣的生活才是最好呢？現在平靜下來，我又可以再次深思這些問題了。下星期上班，我便真正開始過新生活了，女兒就是我努力的原動力，希望我能把一切都能兼顧得好。
paulhung2000 2008-09-10 16:59
喂~我D媽咪朋友 arm arm 先同我提到，有統計過，有產後抑鬱既媽咪~~多數都係有老人家在家既~~唔理係自已定夫家`~ ;p 你唔好衰向呢樣野手上，頂住啊！ 有下一代係恩賜`~好似我咁週身病，又貪玩唔想有責任，想生都唔敢生啊`:D
最後搞個爛 gag 先~~~
雖則婆媳問題好普遍，我今日一來到赫然發現原來我心目中仰慕既藝術家，原來都不能免俗，要面對婆媳問題~~~我都要一陣先消化到`~ :p
cheer up！ cheer up 先有力戰鬥架！
:)
ZoEi2008-09-12 20:22
你的爛 gag 確實很爛
現在的我好多了，上班後也積極起來，我會努力的
HoneyTracy 2008-08-23 14:38
我曾經都有過和你一樣啲經歷，响我仲係坐月子嘅時候就開始了。响我返工之前，佢一丁點都冇幫過我，每件事都要我自己親力親為。而我嘅 Honey 就好似唔記得屋企係多咗兩個人咁。直到我開始返工，個仔都開始大嘅時候，每日返到屋企嘅時候都係聽到佢同我講 " 你個仔今日點唔聽話、點百厭 "。當時個心真係好火，唯一可以發洩嘅方法，就係打仔，當時自己個心都好痛。等個仔再大啲嘅時候，我就去搵一啲 course 去讀，儘量唔將自己留响屋企度。就算响屋企都係食完飯就入房。見佢少啲，個人咪開心啲囉。後來，又有咗 bb，我就決定請個工人返嚟，唔想再睇佢啲面口。但當時屋企裡面所有嘅人 (包括我嘅 Honey 同個仔) 都唔 support 我，嗰時個心仲痛，不過決定咗嘢就一定要做。希望可以唔同佢一齊嘅日子我等了十幾年，終於都捱過了，响某年某月佢終於都離開咗我哋喇。但當佢離開咗嘅時候，你就會覺得屋企好似少咗啲嘢咁。不過就自由咗好多。
希望你能比我更快咁捱過呢段日子。
ZoEi2008-08-30 15:23