做了一天擁南躉 (0451)

好耐未見過大球場扯紅旗！

自細都唔係一位“擁南躉”。記得初中時期，係馬頭圍上堂嘅時候，我同大關哥因身高問題，往往被編排坐最後嗰行，因而造就咗我哋課堂上講波嘅歡樂時光！那時候，書本上除咗要學嘅知識外，空白嘅地方亦寫滿要學嘅資訊：精工陣容 + 南華排陣。甚麼 4-4-2、4-3-3、4-2-4，簡直“倒背如流”。佢有佢嘅梁能仁，我有我嘅盧福興，簡直水火不容。

在同仇敵愾嘅環境下，前晚入場睇南華 vs 科威特競技，造就咗我做一日“擁南躉”。至於日後會否繼續做“一日擁南躉”，咁就要睇南華係下屆亞協盃成績喇！

091023/1900

P.S. 一場球賽可以令陌生人的關係拉得好近，真微妙！不知道在電梯遇到兼且寒暄數句的紅衫軍姓甚名誰呢？