BLOG 主頁｜ 服務中心｜ 雅虎香港
      萍水相逢 明天可能你會忘記呢個blog了
      留言

      網誌清單

      編輯 關閉
      網誌 我的網誌內容搜尋：
      引用 檢舉

      The Fearless Vampire Killers

      網誌分類：電影 |
      網誌日期：2009-12-05 20:59


      講起波蘭斯基除左佢多年前o既衰十一事件之外,係電影o既範疇上,佢係早年o既拿手好戲就係驚慄片,當中最出名o既就係apartment trilogy,呢三套經典我之前都有介紹過,咁係佢拍呢三套電影o既中間都有其他project在進行當中,呢一套就係其中之一個project,簡直係為左apartment trilogy提供左一個緩衝同透氣o既空間。其實係咁多種片種之中,笑片都非常之難拍o既其中一種類型,我記得許冠文曾經係金像獎頒獎典體上講過,拍喊片時如果四歲死老母唔夠慘,咁七歲死埋老豆夠慘喇嘛,咁都唔夠咪11歲時比人強姦埋,14歲時連照顧佢個阿婆都死埋,你仲唔喊咩?但係拍笑片時你今次踩到一條蕉皮仆街,下次唔通拍佢踩到兩條蕉皮咩?笑片講求o既係新意,今次用完下次笑完下次就唔再work嫁喇,所以話笑片難拍絕非虛言。

      縱使呢一套係笑片,但係背後o既故事都係驚慄類型o既彊屍片,但係當個兩位對抗彊屍群組o既笨笨絀絀,就做成好多o既笑話。波蘭斯基今次又粉墨登場,仲做埋主角,又發覺原來佢o既搞笑天份係唔可以小看,絕對係比得上Woody Allen,但係佢同Woody Allen一樣,近年係鏡頭前出現o既機會少之有少,專心留係幕後發功,要再次欣賞佢地o既演出都係一件幾難o既事。

      個兩位對抗彊屍o既人兄一位係研究彊屍o既Abronsius教授同佢個位學徒Alfred,就係咁佢地就偏向虎山行,去一d出現過彊屍o既地方,今次就去到一個羅馬尼亞      Transylvania。咁佢地先先去到呢一個地區o既旅館,先探探軍情先,點知就遇上個一個旅館o既咸濕館主,以勢去壓迫幫佢做野o既女工人同禁錮住佢個個女,盡顯極惡劣o既男性本質,而佢個位好索o既女兒Sarah挑動起Alfred o既愛情神經。但係有一日彊屍黎到咬左Sarah之後,成個故事就帶到去von Krolock o既堡壘之中,Abronsius同Alfred就直插入彊屍o既大本營之中,面對住能力比佢地強o既彊屍,佢地兩位咁論盡,最後都只係以逃跑代替對抗,之不過千算萬算最後佢地都成日彊屍o既一份子。

      一老一嫩o既組合已經係十分之過癮,一個老矇董,老眼分花,但係有時又會忽然地敏捷,好多時候又表現膽怯,咩都叫Alfred去試先。而Alfred呢一氣友仔又受制於Abronsius,無奈地身先士卒,但係好多時唔係行先死先喎,反而係Abronsius奶野,真係求仁得仁。呢位Alfred男人老狗又姐手姐腳,手腳笨絕,好多時係搞到教授,有次仲因為媾女將教授棄之不顧,差d將教授活活凍死,有時揀徒弟都真係要小心d先得。Alfred作為一個後生仔,春手蕩漾係一件好平常o既事,但係因此誤了大事就真係萬死莫贖。但係後黎佢都得到佢應有o既教訓,比von Krolock個仔睇中,差d做埋佢o既點心,仲比佢追成九條街,真係睇到我幾心涼,呵呵。

      之但係成套戲有一場戲都幾特別,就係跳舞個一場,係舞蹈o既安排之上真係一絕,一眾演員有如流水式的團團轉,Abronsius,Alfred同Sarah每一次有機會面對面o既時候都會傾兩咀,個一場"動作"場面o既編排真係安排得極之順暢同極之富動感,同時剪接o既配合亦都得宜,睇得人幾舒服。如果大家真係想睇下,可以上youtube search "The Fearless Vampire Killers Dance Scene"就會有一個比較低質素版本o既video,大家就知我講o既個一場究竟係咩一回事。
      引用(0)

      • 마더

        網誌分類：電影 |
        網誌日期：2009-12-05 18:28
        香港電影公司改呢一套電影o既名叫做《骨肉同謀》,真係令到我打晒冷震,咩同謀呀?成套戲同個謀字根本係冇關係,呢一個戲名直頭係誤導,我諗有d觀眾睇完個名唔睇劇照同故事大綱,真係會以為呢一套...
        回應(0) | 引用(0)

      • 妖獸都市

        網誌分類：電影 |
        圖片
        網誌日期：2009-12-03 21:10
        當一個人越大,就知道呢一個世界冇永遠o既黑同永遠o既白,係當中仲有好多灰色o既地帶,就係呢d黑白灰建構出一個極之寛闊o既光譜,當中不同o既色諧中有住種種o既矛盾,就算係同色系o既都會因為價值...
        回應(0) | 引用(0)

      • ヱヴァンゲリヲン新劇場版: 序

        網誌分類：電影 |
        網誌日期：2009-12-02 23:07
        機械人o既動畫可以話係日本人o既拿手好戲,由笨重o既《大鐵人》,發展到識得分體再組合o既《六神合體》,之後更加建構出整個時代(歷史)做背景o既《機動戰士》(到宜家都仲"動"緊),咁仲...
        回應(0) | 引用(0)

      • 忠烈圖

        網誌分類：電影 |
        圖片
        網誌日期：2009-12-01 22:38
        近來陳鴻烈o既離世,令我諗起o既並唔係佢為無線所拍o既電視劇集,無線o既劇集劇本全都係爛到不得之了,好多時都係靠演員o既功力搭救,根本係不值一提。反而第一時間就令我諗起胡金銓導演,當年扮...
        回應(0) | 引用(0)

      • AMK History AMK

        網誌分類：唱片 |
        圖片
        網誌日期：2009-11-30 23:39
        講真,呢一隻碟根本唔駛寫咩感想,皆因呢d感想都係一種集體回憶,咁我就講一講我同AMK相識的二三事。當年仲細o既我,互聯網又仲未普及,又點會識去到呢一隊indie野呢?咁就梗係從903得知佢地o既存...
        回應(0) | 引用(0)

      • 介乎法國與旺角的詩意 my little airport

        網誌分類：唱片 |
        圖片
        網誌日期：2009-11-30 23:19
        真係好開心my little airport漸漸地成熟起來,並唔係話佢地玩樂器 又或者係唱歌方面,而係佢地更加明白到自己走個一條路向,宜家就向緊呢條路狂奔。呢一張唱片同以前個d不同之處就係其政治性,由...
        回應(0) | 引用(0)

      • 新波衫

        網誌分類：生活 |
        圖片
        網誌日期：2009-11-30 22:01
        最新波衫由張繼聰演繹,一個字----型。不過我就唔係咁鍾意阿根延呢一件,反而法國個件個design就比較有新意同復古,另外德國個件都係一個唔錯o既選擇。
        回應(0) | 引用(0)

      • زیر درختان زیتون

        網誌分類：電影 |
        圖片
        網誌日期：2009-11-29 21:31
        愛情故事唔係我最喜愛o既電影類型,但係都睇左唔少,中外都叫仲有點點o既涉獵,但係一個咁樣o既愛情故事就真係未睇過,都算係一種新o既體驗。講真,呢一套電影會唔會係我o既favourite呢?就一定唔...
        回應(0) | 引用(0)

      • 烈火青春

        網誌分類：電影 |
        圖片
        網誌日期：2009-11-28 21:33
        譚家明係香港新浪潮導演領軍人物之一,之但係佢o既電影並唔係受到大眾所接受個一種,皆因佢o既電影太過偏鋒,而佢呢一種偏鋒係係影片之中不知不覺o既情況之下滲出黎,並唔係影像行先o既霎眼嬌。...
        回應(0) | 引用(0)

      我的訂閱

      編輯 關閉

      我的訂閱

      你沒有任何訂閱
      新增訂閱的 Blog

      月曆

      編輯 關閉
      <
      2009
      >
      <
      Dec
      >
      S M T W T F S
        1 2 3 4 5
      6 7 8 9 10 11 12
      13 14 15 16 17 18 19
      20 21 22 23 24 25 26
      27 28 29 30 31  

      網誌分類

      編輯 關閉

      網誌分類

      最新網誌

      編輯 關閉

      最新網誌

      最新回應

      編輯 關閉

      最新回應

      檢視所有回應

      統計資料

      編輯 關閉

      統計資料

      • 昨日人次：28
      • 累積人次：15300
      • 今日瀏覽：27
      • 累積瀏覽：38062
      • 網誌：1039
      • 圖片：1203
      • 回應：473

      更新日期

      編輯 關閉

      更新日期

      4分鐘前

      BLOG 搜尋

      編輯 關閉

      BLOG 搜尋


       

      R H
      G S
      B V

      #