酷愛電影

我以前只係鐘意睇電影,但係隨著我係9年前讀過史sir o既電影課程就真係愛上了舊電影,比起宜家花巧o既電影,舊電影真係好有戲味

萍水相逢明天可能你會忘記呢個blog了

留言

網誌清單

編輯關閉

引用檢舉

夢

網誌分類：電影 |

網誌日期：2009-09-30 23:35

有咩導演真係夠膽怕自己o既夢境?第一夢境中o既東西未必會係觀眾有興趣購票入場觀看,第二就係冇番咁上下功力根本拍唔出夢境中個一種天馬行空。黑澤明就夠薑怕佢o既夢,雖然有人會懷疑究竟係唔係真呀?但係佢話係咪係囉,因為佢呃左你又冇咩著數,反而我地作為觀眾o既就會被片中o既夢境所啟發,有野落袋,就算比大導演呃左都冇所謂啦。

係呢套片裡面收納左黑澤明o既八個夢境,由細至大順序排出黎,即係講第一個夢境係黑澤明兒時夢亦都係最荒誕古怪o既春秋大夢。第一個夢《雨中的陽光》係咁多個夢之中最短o既一個,係關於一d古老同黎嚇小朋友o既傳說,好似食飯食唔乾淨第二時會娶一個豆皮o既老婆呢d。而呢一個古老o既傳說就係話當落雨o既時候有陽光出現的話,就係狐妖舉行婚禮之時。係夢境之中,做媽媽o既當然會叮囑細路唔好係呢一個時候周圍走,細路梗係照例唔聽,走到去一個樹林之中見證住一場以能劇表演形式出現o既狐狸婚禮,呢位細路一於冇有怕,匿係樹後照睇可也。但係佢萬萬估不到被媽咪拒於門外,就係因為被狐狸發現左佢偷看牠們的婚禮,悖然不怒,死係佢唯一o既選擇。母親更遞上狐妖送上o既一把小刀,叫佢去搵狐妖道歉,免佢一死,並話狐妖就住在彩虹之下。本來以為死梗o既細路拎住呢一把小刀真係走到去彩虹之下,並無母親所講o既狐妖,係佢眼中只有彩虹之下百花綻放山水一色極美o既景象,呢位小子就慢慢走向呢一個彩虹之下。其實小孩子天真爛漫,好奇心滿載,有何罪之有,狐妖又點會去搵佢呢?呢一d嚇細路o既成人謊話自然不攻而破,仲比呢位小朋友搵到一個人間仙境,樂而忘返,吹咩?

第二個夢就係《桃園》,本來滿佈桃花o既花園,如今已經被斬得乾乾淨淨。家中最年幼o既細路對於呢一件事心情最為影響。正當佢地慶祝緊雛祭o既時候,出現左一位得佢先見到o既女仔,又係細路o既好奇心之下,追出去花園。就比佢係呢一個花園之中見到一批雛祭供奉o既公仔,投訴佢地一家人將桃花樹斬盡,下年唔會再黎。你呢一個時刻,呢位小朋友就爆了,哭了。呢一批公仔都知道佢係家中唯一一個出手阻止斬桃o既人,破例一次比佢再見到桃花盛放,呢一班人就大演能劇,桃花四處飛,好不浪漫。之前現o既小女孩又再出現,不過轉眼之間整個花園又再一片荒涼,不過就有一棵小桃花樹屹立,象徵住個一位小女孩,亦都係黑澤明年紀小時o既一段夢中愛緣。咦,黑澤明長大喇喎,開始係夢中有談戀愛o既意識了,真係蜜"桃"成熟時(呢個講笑,黑澤明一定冇呢一個弦外之音,哈哈)。

去到第三個夢境,有四位攀山者經歷嚴峻o既天氣,正打算放棄o既時候出現左一位女性,利用佢o既言語去試圖平靜其中一位攀山者o既生存意志。呢一位女性有可能係日本傳說之中o既雪女,係山中碰見男性就會誘惑佢,將佢變成冰條帶番去山中。亦都有可能係一種攀山者心裡o既魔鬼,登山隊佢地面對住極大o既困難,亦都係意志最薄弱o既時候,又感到白雪茫茫,感到十分之迷失,絕對係放棄最容易同消磨精神o既時候。幸好比佢及時回復知覺,最後發覺原來登山基地就係近在眼前。就好似做人樣,經歷千萬種困難,只要咬緊牙關,唔好放棄,成功就近左咫尺,我諗亦都代表住黑澤明o既電影之路,滿佈崎嶇,係一個最艱難o既時候差點兒放棄做人自殺,幸好又救得番,之後拍電影仲得到哥普拉,馬田史高西斯同佐治魯卡斯o既協助,進入人生o既另一個高峰。

第四個夢境就係以一位打完仗o既軍人為主角,呢一位滿面滄桑o既中隊長一直行,似係打完仗番屋企。途中佢經過一條隧道,係隧道口有一隻惡狗不斷向佢吠,迫佢行入隧道。安然渡過之後,突然有一個成面藍灰o既軍人走出黎,呢一位係戰事之中戰死o既同儕,佢仲未接受到自己過左身o既事實。令到中隊長非常之尷尬同難受,再一次面對死去o既同儕並唔係一件好事,經過一段對話之後總算平伏左,折返回隧道之內。不過再過一陣就真係大劑喇,成隊三小隊戰魂操住出黎,今次除左難受之外,仲多左一份自責感。原來呢一班軍人o既戰死係由於佢o既不慎,原來呢一位中隊長雖然生還,但係卻背負住浮重o既包袱,亦都突顯左戰爭o既殘酷,帶黎o既除左係死亡同心理負擔之外,仲有d咩好處?

第五個夢境就夢中有夢,梵高係畫壇o既天才係無庸置疑,黑澤明亦都係一位天才導演,當黑澤明進入梵高o既世界又會係點?天才配上天才o既世界究竟會係點?梵高最令世人所讚頌o既係佢對呢一個世界美o既詮釋,佢對於自己o既要求亦都相當之高,不斷去push自己去到極限,行徑亦都變得相當之怪。黑澤明o既電影亦都同樣地係前衛非常,以梵高去暗示自己身處o既環境,可謂係同病相憐,去到最後仲要出動梵高o既其中一幅名畫《Wheatfield with Crows》去交代出導演曾經身處於分叉點之中,人生陷於一片迷茫之中,仲有一群烏鴉,個一種死亡同一種不祥o既感覺,充滿住絕望同哀傷。呢一part最突出o既一定係當夢中o既黑澤明係度欣賞緊梵高名畫o既時候跳左入畫中o既世界,黎一個電影媒界同油畫o既世界crossover,真係幾有趣同豐富o既畫面。

去到第六個同第七個夢,可以話係互有關連,第六個夢境係講一個建於富士山下o既核電廠爆炸,陷入一片火海之中,當中有幾位人兄係走難當中走甩左。但係其中一位懷似係核電廠工作o既人係度解釋緊就算佢地走得甩火海,個一d幅射塵一樣會攞人命,完全地避無可避。科技如何地進步,都只係製造一d更大同難以補救o既一鑊,真係非常之反智。而第七個夢境彷彿係第六個夢o既延伸,係一個受到幅射侵襲之後o既世界,受到感染o既人類生左隻角係頭上面,黑澤明就係一位未被受感染o既人初到貴境,遇到一位獨角人,將整個故事娓娓道來,呢個世界被扭曲了,食物完全因為核子災難所斷絕,食物就只有同類,頭上有二或者三隻角o既人會食比自己弱o既獨角人。呢一位獨角人就將會成將一頓晚餐。係佢口中,死亡比活藉係更好,因為整個世界已經轉變了,環境係如此地不堪,仲有就係佢地頭上個一隻角會帶比佢地無盡痛苦,角越多痛苦就越大,而佢地又同時係最強o既一群,絕對係唔容易死亡,真係一個諷刺,想死都死不掉,活著受罪,不過呢d都係償還番人類過去種下o既罪孽,完全係自找,係活該。

整套戲o既抑壓,黑暗,腐敗,絕望都由最後一個夢完全地反轉過來,黑澤明今次係夢中造訪o既係水車之村同一位年邁伯伯o既對話。呢一條村無電,完全以自然同再生o既東西去做能源o既來源,過o既係簡樸o既生活。更由呢一位年邁o既伯伯口中批現今科技o既發展係人類自大同貪圖舒適o既後果,但係好多原理都係有違自然,唔懂得珍惜自己擁有o既一切,只係不斷地追求更多。佢地呢一條村o既生活好處真係多到不得了,除左令到佢地可以長命百歲,冇左城市個一種迫人o既生活,令到佢地仲可以保持一個青春同豁達o既心境,運行出一個良性循環,令到佢地更加無不必要o既掛慮,維持住健康o既心境同身體,令佢地可以以輕鬆o既態度去面對死亡,仲有心情去幽自己年少時死者帶比伯伯o既一段感情創傷。其實除左造訪者係黑澤明,其實個一位103歲o既伯伯都係黑澤明o既另一位代言人,去為睇呢一套電影被黑暗,絕望籠罩住o既觀眾作一個解脫,可見出係黑澤明o既人生中除左黑暗仲係有一絲曙光,呢個可能係佢自殺不遂之後出現o既一道靈光或者彩虹。

引用(0)

知多一點：

共0個回應

新增回應

愛情萬歲

網誌分類：電影 |

圖片
網誌日期：2009-09-29 23:45

呢一套片叫《愛情萬歲》,但係當你睇呢一套電影o既時候,你係一點愛情都感覺不到,見到o既只係形單隻影o既三位主角們孤獨o既身影。呢d可以話係蔡明亮o既拿手好戲,尤其係佢對於掌握身處在繁忙都...

回應(0) | 引用(0)
La Fille coupée en deux

網誌分類：電影 |

網誌日期：2009-09-28 21:24

之前曾經講過有一d導演專係拍女性電影,反覆思量之下,原來miss左Claude Chabrol添。呢一位誇世代o既導演,比較早期o既電影我就無咩睇過,但係近期o既幾套電影都全以女性為電影o既中心。不約而同...

回應(0) | 引用(0)
Celluloid Closet

網誌分類：電影 |

網誌日期：2009-09-26 18:15

同性戀經常被人標籤為異類,好多人更會對同性戀者有一種恐懼,當中宗教對同性戀o既壓迫就更見強烈。至於電影呢一個媒介,對於呢一種弱勢o既描寫,亦都係少之有少,就算係近年已經算係比較開放,你...

回應(0) | 引用(0)
影武者

網誌分類：電影 |

圖片
網誌日期：2009-09-25 23:56

影武者,一個極具詩意,極之優雅o既名字,但係當中就蘊含住種種o既陰霾,濃罩住片中各人。究竟邊一位人o既身影可以大到將身邊各人淹沒至毫無反抗o既餘地?就係日本戰國時代其中一位大名武田信玄,...

回應(0) | 引用(0)
My Name Is Joe

網誌分類：電影 |

圖片
網誌日期：2009-09-24 23:46

講起英國電影,大多數電影都係講北愛爾蘭,講蘇格蘭o既除左《Trainspotting》之外,我真係冇咩印象,不過以我睇《Trainspotting》同睇過一本講呢套戲o既書,片中所描述o既蘇格蘭係當地市面黎講係...

回應(0) | 引用(0)
The Silence Of The Lambs

網誌分類：電影 |

網誌日期：2009-09-23 22:55

呢一套電影聽就聽得多,但係睇就真係第一次,當年上映o既時候我只係得11歲,當然唔會有機會入場睇,期後先至知道呢一套電影受盡觀眾所讚頌,片中o既Hannibal Lecter更成為電影史上最嚇人o既連環殺...

回應(0) | 引用(0)
Le silence de Lorna

網誌分類：電影 |

圖片
網誌日期：2009-09-22 20:19

電影世界往往以男性為主導,除左一d女性導演又或者導演o既喜好之外,都幾難有例外,如果你要講好鍾意拍女性o既導演有關錦鵬,安東尼奧利,Woody Allen等,如果話鍾意拍以男性為電影中主導位置o既導...

回應(0) | 引用(0)
生活秀

網誌分類：電影 |

圖片
網誌日期：2009-09-21 23:01

生活從來都唔係一件容易o既事情,可能你同我活係香港,同時又係父母o既護蔭之下,生活得異常地從容。當你有一日身邊人父/母之後,你就知道生活係點樣地困難同多波折,真真正正地體會人生。片中o既...

回應(0) | 引用(0)
Citizen X

網誌分類：電影 |

圖片
網誌日期：2009-09-19 21:03

連環殺手固然可怕,但係極權政府就更加可怕,縱使有如片中男主角呢一類正義感蓋過一切o既有志之士,係緝兇過程都受到政權o既不斷阻撓,最終要直到去政權倒下,男主角先可以全心全意為民除害,停止...

回應(0) | 引用(0)