酷愛電影

我以前只係鐘意睇電影,但係隨著我係9年前讀過史sir o既電影課程就真係愛上了舊電影,比起宜家花巧o既電影,舊電影真係好有戲味

萍水相逢明天可能你會忘記呢個blog了

留言

網誌清單

編輯關閉

引用檢舉

Alphaville, une étrange aventure de Lemmy Caution

網誌分類：電影 |

網誌日期：2009-12-17 20:26

一套好唔科幻o既科幻片,但係係達哥o既創作之下又有一番新o既景象,完全地跳出左一般科幻片o既規限,就算整套戲都只不過係發生係當年o既背景之下都無阻呢一套電影o既可觀性。達哥o既風格係呢套片都係始終如一,無論係拍攝手法上,當中好多不知所以o既場口,最重要o既就係係有意無意之間將政治牽涉係其中,而呢一套片,都算係對一d專制政權作出一個幾恨o既批判。

男主角Caution一身o既打扮令人不期然地諗起阿倫迪龍係《Le Samouraï 》o既造型,係片中Caution亦都係身手不凡,仲同高達一樣滿肚經綸,只不過係外貌方面就略遜一點了。不過睇到經歷過風霜o既面相又令我腦海之中浮現出另一套電影o既畫面,就係《復仇》喇,兩位男主角年紀都有番咁上下,再加上二人同樣手執相機,一位就係用黎紀錄住身方發生o既一切。其實呢套片係選角時都幾特別,好多時呢一d角色都會揀青靚白淨o既後生仔去演,而高達今次就一反傳統,擺明向一貫o既傳統挑戰呀,你吹咩?

另一個反傳統我之前都講過,就係用當年o既背景黎講一個科幻o既故事,真係景都費事搭,只要我條橋夠新同走得前o既話,對觀眾黎講都有一種煥然一新o既感覺,其他野都可以擺埋一面。咦,講到呢度我岩岩醒起高達o既特色好似講漏左一樣野,就係口水花四濺,尤其係呢一套,除左角色與角色o既對話,當中仲有個部超級電腦Alpha 60作後景出其不意地講一大篇野,當中所充滿o既智慧同眼界真係非常之寛闊.我呢一類見識少,眼界狹窄同悟性比較低o既人黎講,要接收晒都唔係一件容易o既事。除左要重覆地煲之外,仲要搵好多書去睇先可以領會到更深層o既意義。

但係若果只係要講呢一套戲表面想帶出o既意思咁就容易得多,Caution係一位來自Outlands o既人,照個名推論,咁Caution就應該係Outlander,即係外族又或者異族人,而用黎做reference o既係Caution岩岩到步o既Alphaville。Alphaville呢一個地方有別於Outlands o既地方就係呢度有一部名叫Alpha o既超級電腦,幫人類計算一切複雜o既事件,咁人o既腦就可以空置下來,真係幾好呀,當中個一班人民就真係全部變晒蟻民,完全接受Alpha 60 o既指揮,將佢地打造成更優越o既人種(點解咁似希特拉同納粹黨o既野咁o既?)。其實大家可能會覺得,當人民失去左自己思想o既時候,又點會強大起黎?呢一個係一個好好o既問題,我地活係一個相對地自由,法治o既地方,有法律去保障個人o既時候,係擁有住一種個人主義係其中,每個人都係為左自己同自己o既喜好而活,對於國家整體o既利益放得係冇咁高。只不過當國家同民族主義抬頭,國家o既利益行先,就可以因為國家o既利益同發揮犧牲人民o既利益同權利。國家主張d咩都會好順利咁通過,行政效率處於一個非常之高o既狀態,亦都係Alpha 60所得出o既結論,民族將會掘起o既原因。Alpha 60呢部超級電腦假設左自己係神,做o既一切決定都唔會係錯,咁佢下達o既命令理應係全部正確,仲要係大義凜然個隻。之不過係神都會有出錯o既時候,當佢一出錯就會造成極大o既傷害,除左佢自己受傷之外,最慘o既就係平民百姓都無辜受到牽連。Caution o既出現就有如《Matrix》裡面o既Neo,要做一個救世英雄,可惜最後佢只係救到係城裡面仲有良知同知性,唯一可以同佢溝通到同通情o既女子Natacha,原來愛係唯一o既出口,呢一套戲又變左做一套愛情片了。

同好多專制o既政權一樣,大家會見到好多呢一部Alpha 60 o既製作者Professor Von Braun,佢o既肖像隨處可見,簡直就好似當年納粹黨o既希特拉,60-70年代時o既毛主席,蘇共時o既列寧同史太林,同埋現今o既北韓金正日/金日成。雖然係咁,但係呢套片o既Alpha 60同我列出o既人物都有不同之處,就係Alpha 60並無私心,係片中並無講到佢受到人類式o既劣根性所污染,令到呢一套片並唔係太過黑白之戰。

Alpha 60所做o既一樣野就真係幾有趣,就係佢對人性同感情o既個一種掌控,人類唔可以再有自己o既感情,如果有人違規時就會被判死刑。而字典上會挑動起情緒o既字亦都慢慢剔除,連感情都唔可以自己選擇o既時候,市民亦都喪失左自決o既能力,當最後Caution戰勝左佢o既時候,所有人就有如無師之蟻兵一樣,漫無目的地團團轉。縱使Alpha 60係邏輯之上係如何地強橫,佢所缺少o既亦都係佢慢慢要蠶食人類o既感情同人性,好多人都話感覺會害事,但係偏偏係關鍵o既時候,Caution就係以呢一樣野戰勝Alpha 60,真係何其地諷刺!有時凡事去得太盡,緣份誓必早盡。

引用(0)

知多一點：

共0個回應

新增回應

風雲II

網誌分類：電影 |

圖片
網誌日期：2009-12-15 20:13

我諗彭氏兄弟對上一套《風雲》可以話係又愛又恨喇,愛o既就一定係上一集已經幫佢地交代左好多角色上o既性格同關係,尤其係風雲二人o既生性,如何地一剛一柔,造就呢一對男人老狗o既孖公仔。雖然...

回應(2) | 引用(0)
Inglourious Basterds

網誌分類：電影 |

圖片
網誌日期：2009-12-14 23:54

Tarantino拍o既電影都係以出位同口水多聞名,今次呢一套戲表面上就好似收歛左,但係內裡就依然反斗,今次更利用呢一套電影去顛覆德國電影史。好彩德國o既電影史我都略有所知,德國電影史o既早期...

回應(0) | 引用(0)
장화, 홍련

網誌分類：電影 |

圖片
網誌日期：2009-12-12 21:03

整套電影都瀰漫住一種黑暗同詭異,令到觀眾一睇就知道係畫面以外,應該仲會有一d怪異o既事在發生之中。唔係有鬼就係片中有人心理出現左一d問題,所以呢一套電影o既重點並唔係放係解謎之上,而係...

回應(0) | 引用(0)
극장전

網誌分類：電影 |

網誌日期：2009-12-11 23:38

看似簡簡單單o既一套電影,但係當中簡單o既架構之中,竟然衍生出一個極之複雜充滿住喻意同千絲萬縷連繫,要觀眾去慢慢解拆要動一動腦o既一套電影,至於呢一種大腦活動有冇趣,就要睇下個人o既喜好...

回應(0) | 引用(0)
성냥팔이 소녀의 재림

網誌分類：電影 |

網誌日期：2009-12-10 00:48

賣火柴的女孩呢一個故事我諗好多人都聽過,呢一個悲慘o既故事換轉係一個新時代又會變成一個怎麼樣o既模樣?大家睇到個一個咁"cyber"(呢個字都幾out下)o既海報,都知道呢一套片將呢一...

回應(0) | 引用(0)
ヱヴァンゲリヲン新劇場版: 破

網誌分類：電影 |

網誌日期：2009-12-09 21:06

擒日講過個套《20世紀少年最終篇》已經係一套好出色o既電影,而今日講o既《新世紀福音戰士新劇場被:破》就簡直係堅揪!呢一集都已經去到咁盡,真係好期待睇下最終章《Q》究竟會係咩一回事。講真...

回應(0) | 引用(0)
20世紀少年最終章ぼくらの旗

網誌分類：電影 |

圖片
網誌日期：2009-12-09 01:15

好多人都批評呢一個最終章,認為劇情去得太過慢,太過平淡,劇情又跳黎跳去,朋友o既覆亡又好似太過兒戲。但係若果係該套漫畫o既fans,就會覺得呢一個結局比起漫畫好,各人都各持己見。而我就覺得...

回應(0) | 引用(0)
三德和尚與舂米六

網誌分類：電影 |

圖片
網誌日期：2009-12-08 23:55

係七小福中,個名最響o既一定係成龍,但係佢o既師兄洪金寶都唔係省油的燈,佢同胡金銓合作o既電影對香港武打電影作出左極大o既影響同改變,除左係幕前演出,更快速地成為武術指導,再係1977年首次...

回應(0) | 引用(0)
張繼聰加油吧!!

網誌分類：生活 |

圖片
網誌日期：2009-12-08 09:07

不用理會身邊多少蒼蠅在飛,在騷擾,即管勇往直前,奔向目標,擁抱家庭吧。

回應(1) | 引用(0)