酷愛電影

我以前只係鐘意睇電影,但係隨著我係9年前讀過史sir o既電影課程就真係愛上了舊電影,比起宜家花巧o既電影,舊電影真係好有戲味

萍水相逢明天可能你會忘記呢個blog了

留言

網誌清單

編輯關閉

引用檢舉

An Education

網誌分類：電影 |

網誌日期：2010-01-28 21:27

講起教育,香港近年就真係立立亂,又母語教學,失敗之後又要微調,雖然有位田生話母語教學並無失敗,講真母語教學本義係好o既,只不過香港o既教學制度跟本配合同銜接不了,最後導致滿盤皆落索o既後果。我之前講《The White Ribbon》父權對小孩o既影響當然重要,但係教育制度對小孩o既影響都不能小看。

反叛係年青人o既專利,亦都係成人經常利用自己o既權力去將之打壓,咁電影之中o既情況亦都係大同小異,但係係相對地自由少少60年代o既英國(對比起封建o既中國)。而係電影之中個一種打壓都只係極之輕微同具彈性,若果唔係我諗女主角應該好似羅密歐同朱麗葉咁,離家出走,一去就唔可以番轉頭。

Jenny就係呢一套片o既主角,16歲o既佢仲係一位好安於本份o既小女孩,爸爸Jack就想佢一直上到去Oxford,好似好多父母對子女o既期望一樣。但係Jenny呢一位小女孩心裡面一直擁有住一顆反叛之心,但係無從發洩出來,只好表照住父親o既一套繼續行落去。其實除左父親之外,係學校個位老師都對Jenny寄與厚望,呢一種寄望亦都係對Jenny其中一個壓力o既來源。係呢位老師o既頭上,仲有一個更有權威o既校長,亦都以勸籲o既口刎去導Jenny回正軌。

呢一位Jenny之所以從一位乖乖女搖身一變變成一位反叛o既女孩,就係因為David o既出現,呢一位比Jenny年紀大o既花花公子(呢d係唔係弗洛依德口中o既戀父情意結?),口甜舌滑,連Jenny o既父母都氹得掂,帶Jenny到處去見識佢從未見過o既野,由拍賣會,音樂會,Jazz Club同巴黎。呢d野對於Jenny黎講真係非常之吸引,Jenny亦都暗暗對法國文化有住一種著迷。咁英國同法國個一種文化梗係有住極大o既不同啦,法國o既藝術相對上係比較自由同破格,就好似當年法國新浪潮電影咁,個一種電影同英國傳統o既電影簡直係天同地比,咁年青o既Jenny就梗係被呢d新o既文化吸引住。其實除左Jazz同法國電影等等,David同Jenny都同樣鍾情之外,佢地都鍾意pre Raphaelite o既圖畫,我就真係孤陋寡聞,唔知呢一個派系/時代o既畫究竟有咩特色,同咩值得欣賞o既地方,有時睇得多電影真係會覺得自己o既智識實在太少,好多導演或者編劇擺係電影中o既message未能完全地掌握得到,真係有d浪費。咁話說回來,嘗試過新野o既Jenny基本上已經被David迷住,縱使之後知道David係靠偷同欺壓老婦人去從中獲利,Jenny亦都欣然接受。

之後David更向Jenny求婚,Jenny立即捨棄自己宜家擁有o既野同諗住同David過埋下半身,由於David計仔多多同把口浪過油,Jenny父母好快就過晒關。輪到學校o既老師同校長出言相勸,當Jenny都過埋之後,佢先發現David原來係有婦之夫,簡直有如晴天霹靂,同時亦都係對Jenny o既當頭棒喝,年青氣盛,好多時做野都係靠股氣,並未睇清楚呢個世界o既實面。就好似你睇到Jenny以沉悶為離開呢個英國體制制肋住,佢並無細察呢一個制度當中蘊含o既點點o既好處,當年青人尚缺乏獨立批判o既時候,呢一d沉悶o既東西就係用黎避免你犯錯。偏偏Jenny就中晒,仲要係有如一次重傷,不過尚好o既係佢此刻回頭未為晚也,仲比佢繼續讀上去,進入左Oxford去到英文,除左完成到父親o既期望之外,亦都幫自己完成埋自己成長o既最後一步。

呢一套片o既背景係60年代o既英國,但係佢片中描述個一種青少年問題係不斷地循環,就算係宜家亦都係一樣,縱使你話就算係香港咁,比起以前開放得多,但係父母同子女o既代溝依舊,Jenny呢一類反叛青年o既問題基本上係永無休止。Jenny就變得非常之嚮往法國文化,定多咪係去睇下高達,聽下法國歌,但係宜家就仲大鑊,索K,欺凌事件無日無之,要調整就真係要睇當權者o既決心,由教育"慢慢"改革,記住係慢慢,唔係一下過jump去第二種體制,苦了除左係教師之外,年青人o既未來亦都係由佢地心中所摧毀。

引用(0)

知多一點：

共0個回應

新增回應

The Imaginarium of Doctor Parnassus

網誌分類：電影 |

網誌日期：2010-01-27 23:50

Terry Gilliam呢位大細路拍親o既戲都係好超現實,全部都係介乎於現實與虛幻之間,Terry Gilliam個一種想像力真係無庸置疑。怕o既只係Terry Gilliam年紀漸大,佢o既童心慢慢熄滅,拍唔出佢過往令...

回應(0) | 引用(0)
Das weiße Band

網誌分類：電影 |

網誌日期：2010-01-26 22:49

若果冇睇到片頭同片尾o既credit,我真係以為Ingmar Bergman翻生添,呢一套戲個一種格調,節奏同最緊要o既就係連成套戲o既主調都係對宗教同極權o既批判,真係好似Ingmar Bergman o既電影喎。所以...

回應(0) | 引用(0)
Contra Vampire Weekend

網誌分類：唱片 |

圖片
網誌日期：2010-01-25 23:05

聽完個隻極之沉重o既《Hidden》之後,心中有如被千斤墜壓住,Vampire Weekend新碟係一個好好o既舒緩,呢一班跳皮o既死o靚仔玩o既音樂好似好即興,好似係神來之筆咁,但係做一張studio album可以令...

回應(0) | 引用(0)
Hidden These New Puritans

網誌分類：唱片 |

圖片
網誌日期：2010-01-25 22:13

These New Puritans前年o既depute album,真係有一種平地一聲雷o既感覺,好有自己個一套,係呢個樂壇好少見到呢一類咁有藝術性o既搖滾樂o既存在。上一次可以話係有住點點o既實驗性同好玩性,係技...

回應(0) | 引用(0)
Séraphine

網誌分類：電影 |

圖片
網誌日期：2010-01-24 22:29

在我個人黎講,我對藝術可以話係一曉不通,就算我係度講電影,都係用左好多個人感覺同理念去詮釋一套電影,並唔係以藝術o既角度去評論一件作品。但係對於藝術家o既傳記我又真係幾有興趣,想知道究...

回應(0) | 引用(0)
New York, I Love You

網誌分類：電影 |

圖片
網誌日期：2010-01-23 21:30

過往曾經有一套《Paris, je t'aime》 ,都係一大班好出名o既導演去用佢自己o既方法同方向去描寫佢眼下o既巴黎。鏡頭一轉之下就去左紐約,其實都幾奇怪,荷里活明明係以洛杉磯做基地,點解反...

回應(0) | 引用(0)
The Men Who Stare at Goats

網誌分類：電影 |

圖片
網誌日期：2010-01-21 21:30

廣東話呢一種語言真係好有趣,好多一d只係得廣東話有o既詞彙又真係非常之到肉,淨係講粗口已經係千變萬化,我諗你係youtube睇過蕭若元個一段36字粗口都知道當中o既奇妙過癮之處。不過好多衛道之...

回應(0) | 引用(0)
The Hurt Locker

網誌分類：電影 |

圖片
網誌日期：2010-01-21 19:51

當一個人係戰事之中多時,會慢慢對戰爭中種種o既生離死別麻木,對於好多一直做開o既工作慢慢無感覺,最後連究竟自己點解會踩入呢個戰場都忘記了。《The Hurt Locker》就利用美軍係伊拉克o既其中...

回應(0) | 引用(0)
Sherlock Holmes

網誌分類：電影 |

網誌日期：2010-01-20 22:58

福爾摩斯絕對係世界上最知名o既虛擬偵探,但係係小說o既描述中,福爾摩斯係一位好冷靜同樣樣野都淡淡定有錢淨咁款,係一位中年男士,最緊要係其貌不揚同一副英國紳士o既造型(但係屋企同習慣都係...

回應(0) | 引用(0)