酷愛電影

我以前只係鐘意睇電影,但係隨著我係9年前讀過史sir o既電影課程就真係愛上了舊電影,比起宜家花巧o既電影,舊電影真係好有戲味

萍水相逢明天可能你會忘記呢個blog了

留言

網誌清單

編輯關閉

引用檢舉

盜馬賊

網誌分類：電影 |

圖片
網誌日期：2009-11-11 19:03

一講起西藏,唔知大家會諗起d咩,諗起藏傳佛教?諗起達賴喇嘛?諗起西藏浩瀚o既景色?田壯壯就運用左鏡頭帶我地入去西藏呢一個神秘境地,講一d少數民族o既生活。若果呢一套電影唔搵一個主角去做一個重心,基本上可以係一套紀錄片,對話甚少,角色與角色之間o既關係又唔會花太多時間去交代。關於導演咁樣處理o既關係,再加上本人對西藏o既了解又唔係太多,睇完呢一套電影之後對劇情o既掌握都唔係太過透切,都係要靠上網搵呢一套電影o既故事大綱先至略略明白電影之中o既所講o既究竟係一個咩故事,同片中不同場景究竟係d咩一回事。

呢一套電影o既主角就放係個一位"盜馬賊"羅爾布一家三口身上,活係西藏荒蕪之地,上活真係非常之艱難,而當一d事情唔係自己掌握得到o既時候,d人就會將一d希望擺係宗教之上,而呢一d習俗就世世代代傳下來,變成左對宗教o既一種不由分說o既迷戀,過份將希望記托係宗教之上亦都係一件好危險o既事,但係無呢一種一頭栽進去o既傻勁,又唔夠虔誠喎,所以宗教係進步o既社會就只會變成心靈上o既安慰。好喇,講番呢一位羅爾布一家人,一家三口活係一個困窘o既境地之中,過住一d貧困o既生活,為左糊口,羅爾布唯有去做山賊,令到部落o既人對佢極之排擠。但係生活難捱,羅爾布唯有硬著頭皮衝過去,同時之間不斷地去求神拜佛,配合部落舉行o既宗教儀式,尤其係祭天同天葬o既儀式,導演更差不多將整個儀式都攝進鏡頭。講真,好多紀錄片同新聞片都有記載呢一d儀式,但係講拍得好睇,就梗係呢一套拍得靚好多啦,除左係鏡頭上同色彩上o既搭配得好之外,更拍得出藏人對呢一d儀式o既投入,令場景更具宗教性。當中不得不讚o既就係個兩位負責拍攝o既侯詠同趙飛,前者往後差不多成了張藝謀o既御用攝影師,後者更曾經同Woody Allen合作過,真係唔惹少。

正所謂上得山多終遇虎,羅爾布係一次行劫時撞正官員,就係咁得罪左地區政府官員,部落不得不同佢切割,將佢排除在外,被趕到更偏僻o既地方。一家三口o既生活變得更加嚴峻,年幼o既仔仔更加頂唔住生了重病,最後更魂歸天國。縱使難過,時間都係會過,係一年之後,老婆再次懷孕,誕下一子。佢呢一位兒子o既出世,伴住o既係瘟疫o既爆發,弄至生靈塗炭。羅爾布一家三口o既生活就更加救晒命,就算冒住生命危險,都去當勒藏賺取生活所需,之後更加將心愛o既馬匹以三塊銀錢賣走,真真正正地走上了絕路。但係佢並唔會好似好多富有國家o既人有住種種o既埋怨,大家睇到o既除左佢去求神問卜之外,就係咬緊牙關,打掉門牙和血吞,就連掉眼淚去弔唁都慳番,對比起住係城市嬌生慣養簡真係一個極之大o既對比!再加上佢地o既蓬頭垢面,亦都突顯左我地生活o既幸福,真係生在福中不知福。

成套電影見得最多都係個d宗教儀式,當瘟疫來臨o既時候呢一d儀式亦都越演越烈,但係宗教o既儀式越多,部落同羅爾布o既勢頭就轉弱。尤其係羅爾布身上,惡運接二連三緊隨其後,絕對係諷刺個一d繁瑣宗教儀式o既最佳之例證。只不過出路在哪裡?呢一個出路原來就係天葬台。死,係佢唯一逃得出呢個困局o既逃生門,那一種生活迫人o既迷陣對於佢地黎講係完全地無出路,唔似得d發達國家同城市有佢地個一套社會保障制度,若然都要有人為口惆悵,都係一件幾可悲o既事情,睇見宜家o既香港,富有同貧窮走向個一種兩極化,真係不得不令人心酸。

引用(0)

知多一點：

共1個回應

檢舉
WhyNot? 2009-11-20 14:04

Hello~~版主!! 可以到哪找這電影???

新增回應

Éloge de l'amour

網誌分類：電影 |

網誌日期：2009-11-10 19:30

睇高達導演o既電影都唔算少,但係好難睇同明白箇中含意都可以算係呢一套。其他比較難理解o既起碼都會有個故仔去包裝,但係去到呢一套就連最基本用故事組成一套電影o既結構都懶得去做,得出黎o既...

回應(0) | 引用(0)
박쥐

網誌分類：電影 |

網誌日期：2009-11-09 22:08

我相信朴導演係拍呢一套電影時,一定有參考過Ingmar Bergman o既電影,Ingmar Bergman電影其中一樣最出名o既題材就係對宗教o既批判,尤其係對聖經o既質疑。而呢一套電影前半段個一種歐洲風味同...

回應(0) | 引用(0)
영화는 영화다

網誌分類：電影 |

圖片
網誌日期：2009-11-08 21:32

電影同相世界永遠係兩個唔同o既世界,係電影中可以發生好多不可思議同好巧合o既事宜,現實生活根本唔係會發生,而呢一個亦都係好多人入場睇電影o既原因,係電影院中找尋夢想同幻想o既世界。所以...

回應(0) | 引用(0)
Do You Want The Truth Or Something Beautiful Paloma Faith

網誌分類：唱片 |

圖片
網誌日期：2009-11-08 19:04

我睇呢一張唱片時第一樣野比佢吸引o既就係封面,知不過並唔係因為封面o既女士著得性感,而係個一種色彩o既斑斕,同時又有兩隻白鴿作為一種色彩同構圖上o既平衡,真係一絕。咁封面就講完喇,咁就要...

回應(0) | 引用(0)
Letter from an Unknown Woman

網誌分類：電影 |

網誌日期：2009-11-07 18:35

呢一套片真係怕得好優雅,當中o既愛情簡直係感人至深,若果呢個世界上真係有如此情深o既女子,點解佢遇到o既唔係我?不過換轉係21世紀,我諗好多人都會話呢個女仔傻o者,傷佢自己o既根本就係佢自己...

回應(0) | 引用(0)
Moon

網誌分類：電影 |

網誌日期：2009-11-06 23:39

一個係月球發生o既故事,成套戲只係得一個角色,角色o既處境同《Cast Away》o既Tom Hanks係完全地相同,只不過Cast Away中Tom Hanks係非自願地留係荒島之中,而係呢一套片中o既呢一位人兄就係絕...

回應(0) | 引用(0)
Le Salaire de la peur

網誌分類：電影 |

網誌日期：2009-11-05 22:07

有人為左錢可以出賣身體,出賣時候,出賣人格,出賣兄弟,出賣親人甚至係出賣自己都在所不計。許冠傑都有歌仔唱啦"為兩餐乜都肯際呀前世",係資本主義社會之下,勞工永遠係被受剝削o既一...

回應(0) | 引用(0)
공동경비구역 JSA

網誌分類：電影 |

圖片
網誌日期：2009-11-04 23:05

柏林圍牆都倒下了近20年,南北韓仲係南北相隔,數數手指都有成64年,經過左痛苦接近7年o既韓戰都不分高下,直到現在。當中所涉及o既政治,軍事,民族,政治體系,國際o既參與簡直係複雜非常,如果真係...

回應(0) | 引用(0)
Embryonic The Flaming Lips

網誌分類：唱片 |

圖片
網誌日期：2009-11-03 20:19

我識The Flaming Lips係始於《Yoshimi Battles the Pink Robots》,對佢個一張唱片o既concept非常之欣賞,所以當佢脫離左呢一種做唱片o既方法,就好似周身都唔聚財咁。今次佢地終於做到一張佢地...

回應(0) | 引用(0)