酷愛電影

我以前只係鐘意睇電影,但係隨著我係9年前讀過史sir o既電影課程就真係愛上了舊電影,比起宜家花巧o既電影,舊電影真係好有戲味

萍水相逢明天可能你會忘記呢個blog了

留言

網誌清單

編輯關閉

引用檢舉

طعم گيلاس

網誌分類：電影 |

網誌日期：2009-10-22 19:28

Kiarostami o既電影故事性可以話係冇,好貼近生活,類近紀錄片。但就係因為呢d貼近生活o既紀錄,令到觀眾會對片中提出o既一些問題有住更深切o既體會。另一個Kiarostami o既電影獨特之處就係個plot唔會交代得好清楚,因為故事o既推進並唔會硬將d腸畫晒出黎,縱使有埋呢d腸會令到個故事完整d,但係當Kiarostami將呢d細節抽走o既時候又會帶出另一種o既電影體會。

而今次被抽走o既就係到底主角為何會自殺?佢最終自殺成功嘛?呢一d細節若果換轉係一貫劇情片就會顯得異常地重要,但係當擺係Kiarostami電影之中,用佢個一種世界觀同對事物觀看o既角度去睇,呢一d細節又彷彿變成無關痛癢,階因片中o既主角可以係睇緊呢一套電影o既你同我,當中o既故事亦都因應每一個人唔同o既經歷而改變,咁最終個一個結局就梗係更加係由你自己選擇,而唔係導演先決了。

講左咁鬼耐,大家又應該未睇過,應該都會對我以上講o既野抓爆頭,究竟我係度講咩鬼野呀?大家唔駛心急,我會慢慢將呢一套電影解構一下。電影之中個一位男主角Badii四圍去搵人執行佢個個自殺計劃,執行完呢一個自殺計劃之後,而個位協助者將會得到200,000 tomans。其實呢位協助者並唔係要做太多,皆因連Badii連窿都掘埋,Badii係夜晚吞食大量o既安眠藥之後訓係個窿度,個位人兄只要係晨早六點去到個窿面前嗌Badii個名兩次,兩次之後佢都冇反應就將佢用泥土埋住。任務看似簡單,呢200,000 tomans可以話係垂手可得,200,000 tomans係伊朗可以話係幾多o既錢,因為seminary一年o既學費都係2,000 tomans,足足可以交2百年o既學費,你話有幾和味。但係面對住如此豐厚o既回報,都要一波三折之下先至搵到合適人選,而當中個一種一波三折o既過程就係呢一套戲o既主線。

Badii係戲中大部份時間都係揸住架車四圍兜,去揀選適合o既人選去當此重任。而係電影之中大抵係得兩種鏡頭o既選項,一個就係車中o既close up,另一個就係係車外o既wide shot。兩種鏡頭簡直係一個好好o既對照,襯托住車中o既close係Badii同被遴選者o既對話,係一個咁窘困o既車廂之中談生死,根本就係一個死胡同,用一個咁有限o既空間去講生死,真係幾唔匹配。但係當鏡頭一轉變成一個大wide shot o既時候,無盡o既風景盡入眼簾,生死又變得相對地微小,無數o既生命都只係大自然中o既一個齒輪,你死對於呢一個世界黎講根本就係微不足到,仲係到談生死根本就係多餘,不如用多d時間去活得更好把啦。

佢係路上遇到三個candidate,呢三個candidate o既擺位又係好有趣,第一位係一個戇居居o既少年兵,係二人o既對話之中,Badii佔住最主導o既位置,而當中大部份o既對話係關於Badii o既計劃,乳臭未乾o既小子根本係無法招架,到最後仲拔足而逃。去到第二位candidate係比較有智慧o既神學院學生,但係Badii o既人生閱力始終都係比佢高,縱使二人係有言語上o既交流,Badii都霸佔住有利o既位置,雖然如此,基於個位學生o既宗教信仰,最後都係幫唔到佢。最精彩都係最後個一位老教師,出於經濟o既理由,佢接受Badii o既offer,但係卻一直用自己o既人生經驗去勸Badii收手,去到最後都有小小令到Badii動搖,叫佢除左嗌佢兩聲之外,仲要用石仔掟佢,sure佢一定係死左先志將佢埋下。更加用自己o既一次自殺經驗去遊說,呢位老人家係幾十年前曾經想上吊自殺,但係佢揀左一棵mulberry o既樹,吃下一口mulberry之下,比佢感受得到活著多好,放棄自殺,呢一套戲名亦都由此而生。就算呢一套片o既結局好含糊,但係由呢一套片名都可以暗暗知道導演o既取向,引伸得到最後Badii o既結局(呢一套電影o既編劇都係導演本人)。

係電影之中又比我聯想到另一個隱喻,大家如果睇到Badii o既身世,都知佢物質都幾滿足,揸Range Rover同個200,000 tomans酬金,就算呢d係佢成副身家係伊朗呢一個相對貧窮o既地方算係豐足。而佢個三位candidate係低下階層,為左生活根本連諗下自殺o既機會都冇,恰好呢一個設定係諷刺一d係物質豐足之下o既人就會多d時間都諗埋呢d奢侈o既野,同埋說明左即使富足又如何?錢財上o既富足根本唔係d咩值得希罕o既野,反而係心靈上o既富足係更重要。

引用(0)

知多一點：

共0個回應

新增回應

Kirschblüten - Hanami

網誌分類：電影 |

圖片
網誌日期：2009-10-20 23:45

人生匆匆幾十年,可以同一位理想伴侶渡過大半生可以話係一件好幸福o既事情,就算愛侶係呢一個時候過世,理應欣然放開手,讓另一半長埋故土之上。但係片中個一位Rudi卻受住良心o既責備,令到對忘妻...

回應(0) | 引用(0)
Resistance Muse

網誌分類：唱片 |

圖片
網誌日期：2009-10-20 19:59

Muse延續佢地個一種power,你聽Muse會聽到佢地個一種力量,足以摧毀任何人家中o既喇叭。今次除左rock之外,佢地仲掂埋去交響樂o既地頭,製作左三首盪氣迴腸o既symphony同類近Queen式o既歌,除左一...

回應(0) | 引用(0)
Kvinnodröm

網誌分類：電影 |

圖片
網誌日期：2009-10-20 19:58

Ingmar Bergman毫無疑問係一位大師,佢怕好多o既電影都被奠定為masterpiece,當中有好多都會去接觸到一d好嚴肅o既問題,但係當中亦有一d係比較小品,尤其係《Smiles Of Summer Night》呢一套更加...

回應(0) | 引用(0)
Whatever Works

網誌分類：電影 |

網誌日期：2009-10-19 21:36

Woody Allen環遊完歐洲番去紐約呢個紮根地之首作,以一位老鬼Boris作為電影o既重心,呢一位老鬼說話尖酸刻薄,厭世,看似睇透整個世界似的,佢係一位曾經係一位好出色o既物理學家,但係人到左佢呢...

回應(2) | 引用(0)
Сталкер

網誌分類：電影 |

網誌日期：2009-10-17 19:44

Tarkovsky o既電影永遠都係充滿住無盡o既不安,無盡o既哲學,呢幾樣野都唔係好奇怪,活係蘇共之下,係都受盡壓迫之下,人性固然會被扭曲,同時亦有好多正常o既發洩都變得收歛,咁唯有係電影之中盡情...

回應(0) | 引用(0)
The Taking Of Pelham 123

網誌分類：電影 |

網誌日期：2009-10-16 23:21

騎劫火車係現今呢一個時代都算係幾過時o既作為,尤其當呢一套戲係base on一個1973年o既小說,咁點樣可以係宜家呢一個時候拍到唔落伍同過時呢?Tony Scott係呢一個範疇之上都算係處理得宜,首先係...

回應(0) | 引用(0)
Heroes 何韻詩

網誌分類：唱片 |

圖片
網誌日期：2009-10-16 02:47

何韻詩最新o既唱片,以英雄為題創作左一張全新o既唱片,簡直係又再一次踩上鋼線上表現一般。首先講講個包裝,係完全絛何韻詩o既圖片,只係得一個光明會o既標誌,對於我黎講就梗係型啦,但係對於唱...

回應(0) | 引用(0)
Shrink

網誌分類：電影 |

網誌日期：2009-10-16 02:17

一位精神科醫生自己有精神問題o既時候究竟會發生d咩事?Kelvin Spacey係《Shrink》就話左比你知,當中仲加插左一d荷里活o既花絮,淨係睇個派頭都幾吸引,又有好戲之人Kelvin Spacey o既坐鎮,都應...

回應(0) | 引用(0)
朱門酒肉臭路有凍死骨

網誌分類：生活 |

網誌日期：2009-10-15 19:14

呢一句說話竟然會係今時今日o既香港見到,今日又係立法會議事堂度聽到,唔知特首可唔可恥呀!香港係一個發達o既城市,GDP有成3萬幾蚊美金,香港政府有成萬億儲備,點解仲可以有成123萬貧窮人士!特...

回應(0) | 引用(0)