廿三歲

慧：

原來生日正日去海洋公園免費，於是仲威就相約我到此地一遊。
知道有可能壞天氣，他非常擔憂，因為他很想與我到海洋公園留個回憶．
還表現自己慳錢得精明的精神．．

非常感恩，天氣有所好轉，我們照計劃出發．中間有一段時間下大雨，遊人都紛紛買雨衣，工作人員大喊廿五一件唔駛淋濕，好有氣氛．我第一次在大雨中在海洋公園．

點知，我地一直都以為自己兩個第一次到海洋公園玩．
但當我們都說自己之前來過，最喜歡玩飛天遷秋的時候，還說起有一次來的時候，跟另一個朋友都很喜歡，但其他朋友都覺得悶．
我們彷彿記起我倆來過海洋公園．．
但，又沒有任何相片，並且，我們記不起有誰陪我們來？
有無人記得我同您同仲威去過海洋公園？

玩得好開心！！

仲威一向膽小如龜，　今次，我們將公園的設施玩得七七八八，因為人少不用排隊，他說，梁直英教授曾說：人有三點一定要做到，　第一，心要開（開心），　第二，胆要大，要經常壯胆（大胆．．）．．所以，本來我都怕仲威嚇得多不好，最後都決定要壯下佢個胆。

生日晚上，仲威很驚喜的送左個電子琴比我，為左音色好又慳錢，佢係網上買二手琴，仲威錢唔多，但很願意花在我身上，我真係好感動．
晚上佢仲自彈琴和結他，　自唱歌仔比我聽．真係好感動！！

仲威送個琴比我，希望我壓力大的時候自己琴下歌仔，好有心思！！

好多謝天父賜給我咁好的男朋友，我一定要好好珍惜！！

另，多謝每位朋友的ｓｍｓ祝福和留言等～
今個生日收到三份禮物，一份姐和德哥的手機，一份仲威的琴，一份ｌｙｄｉａ在酒店偷回來的花．

雖然收到的禮物一年比一年少，不過我一年比一年幸福，身體一年比一年健康，係天父給我最大的禮物！！