我既 2010年 Hello Kitty 新月曆 + 記事簿

我為出年 2010 年 簡左依本 Hello Kitty 以黑色為主既 記事簿 ~

因為我大大話話都用左成 10 年過外 . Kitty 真係好小出依個色 !

起碼我手上冇一本係 黑色先啦 ~ 其實可能佢有出過 . 不過我預唔到啦 ~

有新既記事簿 又點小得 新筆呀 ~

其實我年年都有依個習慣 . 新記事簿 配新筆

而講到依支筆 又好寫 又好揸手 . 貴就貴左 D ..... 成 $5x/支

不過都 Ok 值架 . 因為佢係 3 色筆 ( 紅 黑 藍 3 色 )

而依個就係出年既新月曆 ~  

********

後話 :

因為今日要買新月曆 & 新記事簿 . 所以路經 Sanrio 先發現

佢地今年好搵笨 ! 冇啦啦 Extend 左個續會時間 

因為佢地年年都係限左係 大約 8 月 入會 or 續會 .  

而每個會員續會都可以有一次性既 85折機會 !  

如果買只得小就話冇所謂啫 ! 但如果買得多 你都咪話呀 !

其實 我今次都拖到成 8月 30 號先死落去續會 ( 因為想等佢地出新野可以順手買埋 )

點知當日都係冇乜新野出 ! 所以只係求其買左小小野 ( 幾十蚊貨仔 ) 就收手 .

但到左今日 先發現 佢地 Extend 左個時間到 9 月尾 !

加埋上次買既個幾十蚊 再加今日依 $2xx . 一來一回都差幾十蚊架 !

唉 ! 我今日雖然買得個 $2xx . ( 其中本記事簿都唔係係 Sanrio 買 ) .

但如果有 85折 . 問心 封面個款 就唔係問題啦 ~ 慳得一蚊得一蚊呀嗎 !

再講 . 今日到去又睇到佢出新野 ! 唉 ~  好慘呀 !

而且我另外係 Sanrio 睇中個本 . 重貴過我依個買左依本  .

之後我咪問個 Sales 佢地公司幾時落依個 Memo ?

佢地話係 8 月 31日 .. 你話係咪搵笨呀 ~ 唔到最後個日都唔講 .

我覺得佢地依個安排好差 . 而且對我地依 D 舊會員好唔公平 !