老頑彤記

彤彤 : 快D拎開佢啦...我唔敢旭。。>_<

彤彤 : 小朋友你唔好行埋黎...

。。我係老人精。。

彤彤 : 我"梳扶"緊...唔好阻住我呀。。

彤彤 : 唔好影我啦...我要訓覺。

彤彤 : 哎呀...比人發現玩紙巾tim....

彤彤 : 隔離果個係我新朋友仔仔呀....

彤彤 : 正丫....有我最鍾意食的火腿扒。。

去左BBQ....好開心~

小朋友你見到Ｄ咩啊?

彤彤 : 唔好拉實我地啦...唔該。。

彤彤 : 多謝觀看。好熱呀....拜拜。。。我要搭的士返屋企丫~

上面果位就係我的寶貝狗狗(((彤彤)))喇...佢係1996/03/11出生的!!嘻嘻~~回歸前的小狗啊。。

《 當我第一次看見你 》

...出生...

記得果日放學我上左好朋友小阮子屋企,一入屋就見到隻好似老鼠的東東在眼前爬行。原來阿Bee已經生了四隻狗仔!過多一小時左右彤彤就出世了,果次係我第一次親眼見到狗隻出世!好開心呢...由中一到現在,不經不覺已經養左彤彤十二年喇!
雖然佢宜家已經十二歲,但依然是個老頑童!記得佢一歲那年有次和她走失了...幸好她很乖的坐在原地等候!又有一次我刻意躲在一角...看見她慌張地四圍望發出淒厲的叫聲,當她看見我時十分興奮地奔向我!真的很感動...
其實我是很害怕她會離開我...不竟佢都陪伴我渡過左好多開心日子!近這些年來佢真係嚇怕我了...不竟年紀大了自然多病痛!

記得前幾年一次帶佢落街散步,就在當天晚上她不時發出淒厲的叫聲...後來更連梳化也上不到,就在第二天的早上,當我步出房門她並沒有走過來...就連拎野食引佢!佢都走唔到過來~眼見他奮力嘗試前進,但卻不能動!真係好擔心...我立即帶佢睇醫生!原來她是脊椎壓著神經線~試過打針食藥都無用!那位外藉獸醫起初話打針試下通唔通得返~後來一天後都行唔到...再去問佢!佢竟然話支針只係止痛針,一定要做手術,我覺得佢係呃緊人錢囉!實在太過份!

幸好後來知道有個香港人獸醫醫過不少這類型病...我問佢係咪一定要做手術,佢話果個位置做手術都無用,唯有食藥睇下醫唔醫得好!幸好彤彤沒有失禁現象...佢話如果有就唔洗醫,醫都醫唔好!過了三天左右...見到佢嘗試站起一點點小便!再過多一天她已嘗試站起來,雖然只是行到幾步....加上搖搖欲墜,但已有很大進步...大約一星期左右她已完全康復!見佢行得返真係好開心呀...

雖然佢宜家唔可以再跳高...但依然做到招牌動作"請請"...每日仲依然係好跳皮~又係一隻好識享受的古怪狗。由於佢宜家唔可以自己跳上梳化,所以每次我抱佢上去佢都好開心...第一個動作係咩??就係舒展根骨....典來典去!!好搞鬼...

不過最近佢成日整古做怪...嚇死我!一時扮行唔到...一時又扮哽親...唉~請不要再嚇我啊...我真的很怕失去你!!

雖然你樣子在別人眼中並不可愛...因為出街都無人瞭他玩,人地又覺得佢眼仔大大似外星狗。但在我心目中係無其他狗可以取代你~以前鍾意史立莎...宜家先發覺你比他更聽話...更乖巧!!

感謝你陪我走過那段青春歲月...願你繼續陪我走到人生的另一新階段!!