網誌分類：《琪》- 閒聊 |
圖片
網誌日期：2008-08-26 22:42
好想去旅行呀。。
又係差唔多放大假o既時候...旅行病又發作喇。半年無去過旅行...心旭旭又想去!不過唔得啦...我要等到出年3月先去台灣。最衰決定左十月大假時去影相...今次好有定力咁拒絕左小阮子，維維，同埋Pumi....點解我D朋友成日撩我去旅行，一個大假點同3個人去...!!哎呀...雖然我真係好想好想去!!但無奈我真係去唔到...慘喇。。結左婚之後就唔可以好似以前咁每半年同朋友去一次旅行...有個家庭，開資又多左，再唔可以好似宜家咁鍾意點就點...去邊就去邊。
維維岩岩去完大阪返黎...見到佢D相，真係好想去。但我諗可能要到結婚後先有機會再踏觸日本...好懷念同阿超上年去日本的情景。最衰都係佢唔好...如果唔係今年年頭我地可以去多次~尋日小阮子問我，佢去沖繩好唔好~搞到我又拎返沖繩D相出黎睇...嘩。。其實真係好靚!!如果可以搵年夏天要去多次。雖然成日都會同朋友去旅行...但其實我最想最想係同超仔去!!但無奈我地同一間公司...好難一齊放大假，呀。。。死佬!!!你快D轉工啦.....你轉好過我轉呀!!!呵呵。。
粉紅色傻豹係維維岩岩o係大阪買比我的....
而兩隻藍色的就係上次o係沖繩買的...
Cynthia 2008-08-30 10:34
AyU∩_∩2008-08-30 13:19
你去以下黎個web site~download個software啦!!好易整....
http://www.photoscape.org/ps/main/index.php
KC327 2008-08-29 11:02
仲有半年，就去台灣影相，順便去玩下囉，好快到架喇! 我都好想去旅行啊!!! 同班朋友 plan 緊下年1月去日本，希望成事喇 ^^
AyU∩_∩2008-08-30 13:31
係呀...希望半年快D過~好想快D去!!^^
希望你一月會成行啊~~
~蘇兒~ 2008-08-28 23:23
yuki~你好呀~第一次o係度留言~^^以後多d黎探你~
上面d相好靚呀~好似o係雜誌度影一樣wor~
AyU∩_∩2008-08-29 03:50
咦...你開左個Blog喇??哈哈...你都快D用個Blog去記載得籌備過程中的快樂回憶啦。好呀...咁你要多D黎喇^^
可能係整左一格格咁Show出黎....所以感覺特別D~
Wing~詩 2008-08-27 14:47
CarCar 2008-08-27 14:26
AyU∩_∩2008-08-29 13:54
仲諗緊...之前同男朋友都想去埃及~但我話honeymoon想去D浪漫D的地方。宜家唔諗住去埃及啦....其實都有諗過去希臘~不過聽講3月果度仲係好凍....唔知係咪呢~
我同你相反...我唔想去D熱的地方!!因為怕熱...哈哈~
傻魚 2008-08-27 10:19
我都好想去旅行呀！我同堂少拍咁耐拖，都只係一齊去過4次旅行。近呢兩年叫好啲，可以一年一次。但決定結婚之後，又冇得去旅行喇。我同你一樣，要等下年3月去影結婚相嗰時順便當去埋旅行。唉！
不過，你要努力呀，唔好比旅行蟲攪到你食唔安，坐唔落呀！一諗起10月可以影結婚相，下年3月去台灣，咁就可以戰勝旅行蟲架喇。
AyU∩_∩2008-08-27 13:13
係呀....當決定左結婚之後就更加去唔到旅行喇!我覺得兩個人去旅行的錢不如儲起佢for結婚用好過。所以o係10年之前睇怕除左台灣果次都唔洗諗喇!!除非掉低佢....自己去o者~哈哈...好衰!!!
原來仲有半個月我就影第一次相...好似咩都未準備tim。
Wing~詩 2008-08-27 09:39
我剛剛都從沙巴回來了，不過是和一班舊同學去，去完之後荷包嚴重出血。男友又話我成日去旅行儲唔到錢，搞到我好唔開心，因為今年暑假連續兩個月去兩次旅行，不過係同唔同既人去，所以會有不同的感覺。但佢偏偏就只懂埋怨我唔識理財，儲蓄能力低，離我地結婚目標越來越遠了！
AyU∩_∩2008-08-27 13:24
嘩...兩個月內去兩次旅行牙??好開心啊...你去左沙巴仲有邊度呀?
唔好唔開心....我男朋友之前都有話過我成日去旅行...好多錢咩~但我平時真係無乜特別喜好...所以最多o既錢可能都係花o係旅行上。我覺得去旅行真係一個好好的體驗...特別喜歡自由行。咁每人都有唔同興趣架ma....你同佢講佢儲蓄能力高D...咁離結婚就會好近啦!!哈哈。。
CarCar 2008-08-27 09:08
AyU∩_∩2008-08-27 13:07
好彩出年去台灣影相咋．．如果唔係真係要等到honeymoon喇~
小阮子 2008-08-26 23:32
嘩‧‧‧d相好靚喎，大阪應該都好好玩喎~
我公司未Confirm去邊到啊！所以都唔知最後會去邊旅行？有可能係越南，又有可能係沙巴或沖繩、星馬、汶萊！
其實你都可以同超超o黎返個預支洞蜜月，去下旅行充充電！
AyU∩_∩2008-08-26 23:36
上面D相全部都係上次去沖繩影架...
你就好...就快又可以去旅行!!今年去唔到啦...我地要再快出年3月先可以去旅行!!